林峯畀女主動埋身！東張女神自稱「林太」挑機張馨月 群星竟然講恭喜？
發佈時間：11:00 2024-03-15
26歲陳懿德2021年參選港姐入行，近年主持《東張西望》成為東張女神之一。陳懿德原來自小喜歡林峯，前日（13日）她在IG高調晒愛自認「林太」，更貼出與林峯的合照留言：「同Honey相認了。」多名藝人還留言祝賀。
相關閱讀：東張女神陳懿德難忘26歲生日會小生花旦齊到賀 元朗大宅開Party招呼近30人
「東張女神」陳懿德與林峯貼身合照：
陳懿德鍾意林峯15年
現年26歲的陳懿德，參選港姐翌年被TVB安排做《東張西望》外景主持之一，因而有幸訪問男神偶像林峯。陳懿德前日在IG貼出與林峯的合照，興奮留言：「終於！同Honey相認了。由我小學六年班就開始鍾意Professor King，然後人稱，唔係，I mean（我意思）自稱林太。我鍾意咗峯哥15年了，終於相認，影到呢張相了。在場嘅工作人員仲介紹咗我比佢識，好開心。」原來陳懿德小學就因為《談情說案》林峯飾演的Professor King而喜歡上林峯。
陳懿德續指還記得初加入《東張》的時候，幕後知道她好鍾意林峯，於是安排了她去訪問峯哥的容姐：「嗰次係第一次咁近距離見到佢，我完全唞唔到氣，當時戴住口罩影了一張合照，然後我俾咗個目標自己，我要做一個好主持，第時可以訪問佢或者同佢合作。」
陳懿德瘦身成功多工作：
陳懿德恨了多時與男神林峯做訪問，可惜至今得個等字：「有一次，我以為終於有機會可以訪問佢了，我前一晚完全瞓唔着，係咁諗點樣表白，點知最後都係冇呢個機會，再到頒獎典禮又錯過咗同佢影相嘅機會，終於可以合照同示愛了，雖然仲未有機會訪問／合作，但請你等我呀峯哥！#我無憾了」。
翟威廉：你終於肯見返你老公
穿得性感的陳懿德，成功與穿西裝的林峯貼身合照，陳懿德笑容燦爛，張名雅及翟威廉竟先後在她的帖上留言，「Wow！dream come true！」、「你終於肯見返你老公。」而向海嵐及多個友人向陳懿德送上恭喜！陳懿德心花怒放回覆老友「時早啲到，唔係講笑，我都好感動 #差點要哭了，我好似同佢結咗婚咁！」還有網民為她打氣：「感覺睇住呢張相，我表示好感動，等睇你有一日訪問你老公呀！加油峯太」。
其他文章：
東張女神陳懿德擘腿拍性感照側面現超3D效果 吊帶低胸短裙晒白滑肌網民跪求轉Pose
通靈之王2丨姚安娜母女檔上陣！囡囡18歲無師自通學塔羅 陳懿德出事狂冒冷汗
最多IG粉絲東張女神排行榜！梁敏巧李旻芳不敵《港姐再競選》冠軍 前主播人氣最低？
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
