周啟生狠批金獎女歌手唱Live離晒譜走音：極無恥 被要求評姜濤怕「鏡安法」笠水？
發佈時間：12:10 2024-03-06
現年62歲的音樂人周啟生一向直率敢言，不時於社交平台公開批評樂壇中人，繼去年初以「食垃圾論」力撐梁文禮狠插梁詠琪一事，連帶重提「楊千嬅根本唔適宜唱歌」後，近日又於Facebook發功狂踩人稱「豹哥」的33歲陳蕾。
周啟生狠批陳蕾越鬧越High？
2009年參加首屆《亞洲星光大道》獲第四名的陳蕾出道14年，今年元旦（1月1日）橫掃《2023年度叱咤樂壇流行榜頒獎典禮》叱咤樂壇女歌手金獎、叱咤樂壇我最喜愛的女歌手、叱咤樂壇唱作人銀獎等，人氣高企，周六（2日）晚更初踏紅館展開一連四場的《念》演唱會，未料一向零負評的她竟惹來不少抨擊。
周啟生喪彈陳蕾唱功
繼頭場發表「走音論」令網民不滿後，周啟生昨日（5日）亦於Facebook毫不留情點名批評：「有朋友send咗一啲links畀我，係一個女仔嘅演唱會，女歌手叫陳蕾。我之前曾經聽過一兩隻佢嘅歌，聽唱片製作又真係幾好聽！音樂，歌詞，唱歌都係合格嘅！但係聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。」
周啟生被寸靠後輩博見報
講到陳蕾早前奪女歌手獎項，他續反問大家：「本來人哋開演唱會係可喜可賀，我冇心將佢攞嚟評頭品足，不如我問吓你哋，如果你聽過佢今次嘅演唱會，又或者睇過片段，#我唔想討論演唱會燈光有幾靚 #今次話題唔係講舞台有幾華麗 我淨係想聽大家覺得佢唱歌點？？」結果網民反應兩極，不少人撐周啟生講出真話，亦有人認為陳蕾唱Live不算完美但不至於「甩皮甩骨」，甚至寸他「靠X後輩博曝光」。
周啟生「食垃圾論」撐梁文禮狠插梁詠琪：
陳蕾「走音論」惹不滿
至於陳蕾的「走音論」，她指：「瑕疵一定有㗎，但你哋寧願睇我小心翼翼，定係帶住瑕疵放開嚟唱，我都會擁抱所有嘅瑕疵，而家有好多科技會令到演唱會嘅聲音會完美少少，但我哋冇呢啲嘢嘅，走音嗰啲由佢走，人性嚟㗎嘛，呢啲都係我當下嘅情緒。」對此，跟網民越傾越High的周啟生留言揶揄：「擁抱瑕疵，拒用科技，咁屙完屎，抆唔抆屎？屙屎唔抆屎，為咗慳廁紙，講來講去兩個字，無恥無恥極無恥。」
周啟生怕觸動姜濤粉絲？
周啟生又爆料，指ViuTV節目中的所謂現場演唱，全部都是後期工作調整過，他直言：「可以話係假live。」並謂在製作人包庇之下的歌星一出場便現真身，故盼大家做事多講究實力才不會發生「咁醜嘅事」！不過，當網民要求評價MIRROR人氣王姜濤，未知是否擔心「鏡安法」，再惹對方粉絲狙擊，周啟生尷尬避談：「唔好叉（岔）開話題，哈哈。」
其他文章：
63歲鍾楚紅全素顏街坊Look被捕獲 周啟生食言公開合照認下流
姜濤接受周啟生批評歌藝要進步 認同前輩「有噓聲掌聲好過冇聲」
Anson Kong獨居變同阿媽住父母被迫「分居」 認同周啟生指MIRROR未成氣候
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
