李龍基透露換電動車！為探未婚妻狂推Job 稱有人因風波賺大錢：行得正企得正
發佈時間：13:10 2024-03-01
李龍基的未婚妻王青霞（Chris）早前被控涉逾期居留、使用虛假文書等6項控罪，現正還押於大欖女懲教所看管。今日（1日）氣溫急降，在寒冷天氣警告下李龍基如常探訪王青霞，他大約11時離開大欖女懲教所，他沒有駕車，原來他轉換電動汽車，表示要待三個星期後才取車，所以乘搭小巴離開。
相關閱讀：李龍基寒冷天氣警告下同一裝束探未婚妻 向守候傳媒吐出心聲：好辛苦㗎
李龍基無車揸搭小巴？
問未婚妻王青霞（Chris）精神如何？他合十表示不回應了。談到3月26日在酒家舉行《李龍基好SING之夜》，推出演唱晚宴套餐，他感嘆表示講A又錯，講B又錯，這類晚宴他一向都有做，並指該晚宴是在Chris發生事之前已簽定合約，卻又被人屈（被批評）。對於林作指他化流量為收入，李龍基說：「總之自己行得正企得正，我唔係好識作流量嘅人，真係唔識，當然有啲人好識，好多人藉着呢件事做好多流量。我亦知道好多人因為我呢件事賺咗好多錢，我少少安慰，能夠幫到咁多人。正所謂『一鯨落，萬物生』，我而家好清楚。（會否因外界言論影響心情？）而家唔會，好明白佢哋心態係咩，保持自己平常心，繼續做自己嘅嘢，專注工作。（為Chris努力搵錢？）我一向好努力，好多朋友都知道我係一個熱愛工作嘅人，不言休。當然呢期有少少影響，好多工作推咗，尤其外出工作，留喺香港每日嚟見見佢，令佢安心好多，畀個信心佢。（4月16日聽審陪着她？）呢嗰必定。」
李龍基要盡快北上拍MV
李龍基又坦言近日真的多了人找他傾談工作，提到延遲拍攝的新歌《雲淡風清》MV何時拍攝？他說今早才與監製傾談，對方表示要盡快拍攝，拍攝後即上音樂平台，他希望找天探訪完Chris後即去廣州拍攝。他說：「我一向喜歡音樂，之前每隻碟都有一首歌係自己作，對作曲有興趣。新歌係三個幾月前作，盧永強寫詞，趙文海搵樂隊錄音。20日（2月20日）我喺廣州電視台工作，本來21日拍攝，但發生事冇心情拍，一早落嚟探Chris。（現時心情複雜會否作曲抒發一下？）會嘅，作曲嘅嘢靈感到就有，有時靈感冇點唧都唧唔到出嚟。」最後再問Chris有否畫畫舒緩心情？他說：「佢心情好啲㗎啦。」說罷便步上小巴，並叮囑傳媒天氣凍不要來了。
其他文章：
李龍基乘勢有新搞作！推出X千元個唱晚宴吸金 被指化流量為收入登台衣着引關注
李龍基行色匆匆趕探未婚妻王青霞 疑似逾XX萬「名牌」手錶繼續跟身
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
