「拜金港姐」蔡嘉欣大隻細佬顏值高 唔似黃建東竟撞樣富貴姊夫？
發佈時間：22:00 2024-02-24
被封「拜金港姐」的2019年港姐五強蔡嘉欣（Kayan）家中三姊弟排中間，曾任職空姐的胞姊Nicole憑着一副驕人身材引起外界關注，兩姊妹不時於社交平台大晒索爆合照，更拍住上為自家美容及服裝店做「生招牌」，但卻甚少提及細佬David，至昨日（23日）蔡嘉欣終於公開三姊弟合體照。
相關閱讀：「拜金港姐」蔡嘉欣胞姊三點式晒洶湧上圍 惹妹妹妒忌：豐胸500次都唔夠嚟
蔡嘉欣細佬曝光：
蔡嘉欣上月與圈中好友飛赴北海道滑雪玩上癮，近日她帶埋爸爸、大家姐Nicole和細佬David到廣州一間室內滑雪場上堂，其間成功上手Carving（刻滑）大感興奮，今日她於IG Story留言：「今次特登過嚟學Carving堂，學咗基本先，然後聽朝早機北海道，之後慢慢練。」
蔡嘉欣一家老幼學滑雪
已有滑雪經驗的蔡嘉欣又化身「小助教」，親授初學的蔡爸爸與蔡姊弟滑學技巧，她說：「So busy今日小欣負責教家姐、細佬，教到我出晒汗，但見到佢哋能夠成功解鎖，連續換刃！叻啦！」又貼出偷影爸爸雪場自拍的照片，她大讚：「我老竇就快70歲…佢跟我滑雪，佢今日初學，畀個叻佢。」
蔡嘉欣胞姊靚相：
蔡嘉欣亦罕有貼出三姊弟合照，令細佬David正面曝光！相中所見，David比報稱174cm的蔡嘉欣高大半個頭，估計超過180cm，蔡嘉欣曾經被指與黃建東撞樣，二人因而搞笑互稱「失散兄妹」，不過David卻一點也不似黃建東，反而似富貴姊夫Derek和楊千嬅老公丁子高的混合體，同樣青靚白淨眼細細！
蔡嘉欣借10萬細佬買車
翻查David的社交網帳號，他曾就讀香港城市大學，是校隊籃球員亦曾參加C-League籃球聯賽，與蔡嘉欣一樣熱愛運動，更由兒時小肥仔脫胎換骨變肌男，外型殺食，惜已「封盤」有一個索女友。此外，蔡嘉欣曾於節目《代溝關注組》中透露，試過借10萬給弟弟買車：「因為佢太細個，問銀行借唔到錢，咁我就做小銀行，佢每個月還番畀我，佢係攞架車嚟做生財工具，所以我撐佢，唔係攞嚟威，係做Driver（司機）。」認真豪爽！
其他文章：
「拜金港姐」蔡嘉欣自爆新婚生活！ 揭生育計劃要等「玩夠」生B
蔡嘉欣結婚丨「拜金港姐」蔡嘉欣榮升人妻！跟傳統儀式出門 金器晒冷龍鳳鈪份量驚人
蔡嘉欣結婚丨婚禮場內片流出！蔡嘉欣魔音嚇窒賓客 吳若希何依婷交足戲超爆笑
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
