阿Sa蔡卓妍公開演唱會絕密「換衫」片！自揭聲帶受傷多年感激呢個歌手幕後伴唱

更新時間：22:00 2024-02-16
發佈時間：22:00 2024-02-16

Twins成員阿Sa蔡卓妍與阿嬌鍾欣潼近日在紅館舉行14場「TWINS SPIRIT SINCE 2001 LIVE IN HONG KONG」演唱會，演唱會本月6日農曆新年前已經圓滿結束。阿Sa悠閒放農曆新年假後，在IG貼出演唱會期間台下的絕密片段，撰寫長文回顧紅館show，還自爆有幕後伴唱？

哪位歌手為阿Sa蔡卓妍幕後伴唱？

幾乎每個歌手都會有換衫環節，歌手在後台更換戰衣後，再踏台板繼續開show。阿Sa蔡卓妍昨日（15日）在IG貼分演唱會的絕密片段，全部都是她與阿嬌在台下妝髮準備上台的短片，順道回顧演唱會的多套靚衫。阿Sa撰寫長文說：「農曆新年嘅假期你哋點過呀？呢個假期我嘅節目非常豐富，狂食狂瞓，打吓牌、吹吓水、去吓旅行、拜吓年咁啦！呢兩日先至有少少靜落嚟嘅時候，撳吓個相簿，睇返好多喺舞台上面嘅片段同埋相，有啲掛住演唱會嘅日子㖭。」

蔡卓妍多謝工人姐姐與司機

阿Sa之後亦逐一多謝一班在演唱會期間默默付出的工作人員，阿Sa首先多謝工人姐姐每一日的照顧，又為她照顧家中的貓咪。而司機阿權除了每日接送外，亦不停來回為阿Sa「拎嘢買嘢」，阿Sa就第一次開演唱會到現在幫手洗衫的工作人員Michael亦有點名多謝。

早前阿Sa提到自己聲帶受傷已經數年，嘗試過針灸、食藥中醫、西醫、氣功等治療。而今次阿Sa撰長文亦特別提到古天樂愛將游學修的歌手舊愛曾樂彤於後台幫忙伴唱「打大佬」：「我仲要非常非常多謝曾樂彤，1月20號第一次上台總綵排之後，我個人可以話灰到一個點。我把聲仲未可以控制得好好但第二日已經係show day，佢本身係嚟幫手影吓相又做吓觀眾，但佢知道我嘅擔憂之後，就自告奮勇話陪我一齊唱unison。」

阿Sa蔡卓妍初戀男友好靚仔？

蔡卓妍：大恩大德無以為報

阿Sa續言：「第二日當佢把聲輕輕喺我耳機裡面出現，我又真係好似輕鬆咗喎。個感覺係好似打機有人陪你一齊去打大佬咁，第一日完咗show，我落台後即刻攬住佢喊。大佬呀！觀眾聽唔到佢把聲㗎！剩係得我一個聽到，咁樣佢都肯陪我唱足14場，仲唱到聲都沙埋，實在太偉大喇！而我亦都可以慢慢將佢把聲喺耳機度一日比一日咁調細聲啲，我真係超級無敵感謝佢，大恩大德無以為報。」阿Sa最後亦說：「就係有佢哋每一個嘅幫助，我先可以咁大無畏放心地去完成呢個挑戰！好好好好多謝你地。」

曾樂彤則回覆阿Sa說：「在心中❤你對我同對身邊人嘅好天知地知大家知，我係去報恩㗎，愛你喲。」其實曾樂彤與阿Sa感情好好，去年兩人一同到巴黎時裝周睇Chloé時裝show，曾樂彤還擔任阿Sa專屬攝影師，為師姐影靚相。去年阿Sa與石恆聰爆出分手後，曾樂彤亦與好友食韓燒，度過分手陰霾。

其他文章：

Twins演唱會丨阿嬌唔夠血暫停側手翻動作阿Sa唔俾193企起身

Twins演唱會丨阿Sa蔡卓妍初戀男友驚喜現身疑似正面照流出獲網民激讚靚仔

Twins演唱會丨43歲阿嬌鍾欣潼側手翻失平衡跌跪台上失手畫面曝光逐格睇

Twins演唱會丨阿Sa蔡卓妍驚遇狂迷強吻！猴擒撲前被直擊歌迷睇到嘩嘩聲

阿Sa蔡卓妍與「翻版蘇施黃」撐枱腳？驚揭是佘詩曼星二代經理人背景驚人

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ