《愛回家》林凱恩再度否認戀情！捲入「男友」拖糧風波 直認事後有聯絡獲道歉
發佈時間：16:25 2024-02-06
林凱恩早前捲入「男友」Vincent餐廳拖糧風波，今日（6日）林凱恩出席活動被問到風波，林凱恩即否認對方是男友，並指對方只是朋友要大家擔心感覺不好意思。
相關閱讀：《愛回家》林凱恩傳捲男友餐廳拖糧風波急否認戀情 郭嘉文鄺潔楹曾於店內打卡
林凱恩回應友人拖糧風波：
林凱恩友人Vincent被指涉及拖糧近50萬元，林凱恩事後都有聯絡Vincent，「佢話唔好意思，話請食飯，不過我話下次先。（驚？）唔係，朋友都有問過我會唔會因為咁樣唔再交朋友，我覺得識朋友係用心，能夠幫到佢我都會開心。」至於對方是否已解決財務問題，林凱恩就表示不清楚，至於若有朋友需要金錢上的幫助，她笑言會跟對方講，希望今年多工作機會：「賺多啲錢，出錢出力，或者俾多啲正能量佢，不過而家未有錢。」
林凱恩擇偶不分年齡
林凱恩又謂朋友若有問題，可以找她作心靈上的輔導，因為自己的媽媽本身也是輔導員，所以也教了她很多這方面的事情，林凱恩更指與朋友相處都會以關心和真誠為主。至於感情狀況，林凱恩就表示若然有男友的話會公開，問到新一年是否想搵男友？林凱恩說：「希望今年公司俾多啲『男友』我，可以同多啲唔同嘅人有對手戲。」林凱恩指自己擇偶不分年齡，就算像劉丹、歐瑞偉這樣的年紀也可以：「年齡唔係問題，買到我靈魂、有趣，可以照顧我心靈。（係咪受好姊妹郭嘉文影響？）我希望我哋嘅感情可以繼續。」
其他文章：
愛回家丨金城安Bonnie復合有望？網民集氣想睇安Bon戀 林凱恩：期待日後發展
《愛回家》林凱恩「男友」照片曝光！2021年已有交集 一舉動疑證關係匪淺？
林凱恩「圈外男友」傳拖糧 漏夜發聲明澄清護花 公開向伊人道歉
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
