林寶玉推出黑色暴乳寫真月曆裸背行「股惑」fans瘋癲搶購一空

更新時間：07:00 2024-02-06
發佈時間：07:00 2024-02-06

有「最索經理人」之稱的林寶玉（Connie）自從放下經理人身份之後，有更大嘅發展空間，之前喺社交網po出極具香艷，充滿挑逗性大尺度嘅沖涼片，睇到網民嘩嘩聲後，近日Connie再掟出「黑色暴乳」震撼彈。

林寶玉自從離開AMM經理人後，事業發展得更好，除搞自家美容店品牌「寶玉堂」搞得有聲有色外，更進軍YouTube、樂壇等，最近還推出寫真月曆！寫真月曆「璞」遠赴歐洲取景，有14個不同的造型，盡展34D-24-35體態美，除了有天寒地凍的雪地上靚相，更有噴血性感照，她還行「股惑」，有曲線玲瓏裸背唯美照。

Connie表示，這本寫真經已籌備兩年，由於忙於經理人工作，分身不暇未能抽身前往拍攝，直到離開經理人崗位就坐言起行。寫真本來想在7月書展期間推出，但出版商對Connie非常好，為她先出一本月曆小試牛刀。她說寫真的名字「璞」跟林寶玉這個名字息息相關，也非常有意思：「係講寶玉未經琢磨嘅時間，我想畀大家見到最原本，或者係最內在嘅我，每一個形象，可以有多面向嘅我，畀大家睇吓真實嘅我嘅容貌同感覺。」

處女寫真月曆推出後，第一版經已光速售罄，反應熱烈得令Connie既驚又喜，問到7月可會乘勝追擊出再有第二本寫真？她聲稱會盡能力排除萬難去滿足fans。