「御用丫鬟」陳思齊退隱10年突復出！去年移居內地自揭一原因重啟演藝事業
發佈時間：19:07 2024-01-31
曾有TVB「御用丫鬟」之稱的41歲陳思齊（前名陳凱怡），2000年參選港姐時被外界封為「翻版朱玲玲」，雖然最終大熱倒灶，但仍獲TVB簽約旗下拍劇，後來過檔港視後不獲發牌，遂於2015年淡出娛樂圈，轉型投身治療師行業。離開幕前多年，陳思齊近日忽然進駐抖音為復出鋪路，日前幫襯古明華（古佬）位於江門的茶餐廳時，更拍片自揭北上搵食原因。
相關閱讀：「御用丫鬟」陳思齊年過40零走樣 曾傳整容淡出多年從事按摩全因一個人
陳思齊北上發展生活係點？
陳思齊去年11月於社交網透露決定跳出舒適圈，暗示搬去新環境過新生活，但一直未有交代去向，只在年底出Po說：「2023幸運嘅我，諗咗2秒，行出咗一字馬咁大步，穿過神秘隧道，邁入森林奔向大自然，換來更多快樂。2024願大家一切安好，順心如意，勇敢向前走。無悔。無憾，一如既往。熱愛生活。」直到本月中，陳思齊驚喜現身古天樂內地粉絲見面會，為活動擔任大會司儀，原來她已移居內地，並重啟演藝工作。
陳思齊嚮往內地慢活節奏
近日陳思齊現身古明華開設的「世斯茶檔」，其間邊食邊與古明華、湯俊明大談近況，她直言是偶然機會下北上發展︰「我純粹想上嚟Hea，跟住大家見到我上嚟Hea之後就搵我做嘢，其實我以為啲人唔記得咗我㗎喇，因為我已經冇拍嘢10年喇嘛。」並謂本來主要想在內地調理身體，工作才是其次，「我能力範圍做到我想做多啲嘅，但係我驚萬一自己已經年紀大機器壞啫。」被問到在港工作是否快樂？陳思齊笑道：「快樂㗎，但我覺得人係可以更快樂，我好貪心。上嚟之後可以慢活，其實我係好鍾意。」古明華附和稱，自己也是喜歡當地生活節奏，皆因沒有甚麼壓力。
點擊睇陳思齊更多靚相：
不少內地網民看過影片都大感驚喜：「哇！好耐冇見」、「以前覺得她是當年大熱」、「好鍾意睇《皆大歡喜》，牡丹（陳思齊角色名稱）真是顏值擔當」、「依然咁靚女」，但亦有部份網民表示認不出，有人更認錯說：「文頌嫻你好靚女啊！」
其他文章：
53歲古天樂無懼師奶殺手挾擊大玩親民戰 「翻版朱玲玲」淡出十多年宣布：我回來了！
盤點6位TVB御用丫鬟近況！落選港姐嫁百億富商過闊太生活 有人變政協委員
冥冥之中丨陳思齊重現螢幕靚樣如昔 當年曾被稱TVB「御用妹仔」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
