奔跑吧！勇敢的女人們丨蕭正楠角色踏兩船覺得違背自己 吳若希婚後冇遇過瘋狂Fans
發佈時間：19:50 2024-01-30
蕭正楠、吳若希（Jinny）、賴慰玲、朱敏瀚等今日出席TVB新劇《奔跑吧！勇敢的女人們》拜神儀式，蕭正楠笑言戲中跟吳若希同樣是明星，雖然兩人結婚15年，但對方依然很迷戀他，見面時會瘋狂尖叫，又指劇情因意外懷孕而結婚，女方退出幕前，但他在婚前曾與賴慰玲有段情，有段三角關係。他說：「唔係好多情！一個愛的責任、一個真愛。睇劇本時好有難度，本身婚姻幾美滿。見到男人周旋兩個女人，啲對白幾自私，好違背自己囉！」談到現實中太太黃翠如是否很崇拜他，蕭正楠笑謂：「呢啲唔使講啦！」
蕭正楠透露有場裸露戲只著條底褲，幸好身形瘦了線條變靚。而吳若希則謂戲中有睡衣Look，但不用裝胸作勢。談到可有遇過瘋狂粉絲，蕭正楠表示試過有粉絲扯衫又摸他。而吳若希笑言成為人妻後就沒有遇過瘋狂粉絲，亦很崇拜老公，更讚對方好叻又聰明，懂得生日時安排驚喜。她說：「佢完全依照我嘅心情去慶祝周年紀念，只要我唔想Book餐廳就唔會有架！不過佢照顧個家好叻，我拍劇少時間喺屋企，佢會照顧仔女啲功課。」
賴慰玲透露戲中與吳若希、蕭正楠、朱敏瀚的關係錯綜複雜，原本她跟蕭正楠拍拖，但對方跟吳若希未婚懷孕結婚，當中她跟蕭正楠仍然藕斷絲連，不過朱敏翰亦為吳若希抱不平，後來朱敏翰為她同蕭正楠擔任經理人。
對於今次角色造型，賴慰玲坦言相比以往較有女人味，並會穿上性感晚裝上陣，又大讚服裝、化粧及髮型也很靚。在旁的朱敏瀚自爆考電單車「肥佬」，所以今次演出該劇有點遺憾，需要替身代勞。他說：「之前我同賴慰玲、張振朗去咗澳洲拍旅遊節目返嚟，都話要考電單車牌，點知考強制試一齊「肥佬」。我就衰有自信，賴慰玲就掃冧晒雪糕筒，嚟緊我哋都會再考。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
