梁榮忠傳結婚丨桃色新聞女主角朱慧敏已成幸福人妻鍾麗淇對舊愛無怨恨：佢係一個好人

更新時間：18:52 2024-01-27
發佈時間：18:52 2024-01-27

梁榮忠日前被周國豐於直播時爆出疑似已結婚消息，梁榮忠過去有不少緋聞，而最令人深刻，而又公開的女友就是傅明憲與鍾麗淇。其中鍾麗淇更曾與梁榮忠拍拖8年，發展到同居階段，多次被傳婚訊。不過2004年梁榮忠被拍到與朱慧敏車廂「蜜會」，更疑似「車震」長達逾一小時，事件令梁榮忠與朱慧敏都形象插水。

梁榮忠舊愛鍾麗淇、朱慧敏近況：

其實梁榮忠與鍾麗淇拍拖期間已被傳多單緋聞，緋聞女友更包括朱凱婷及袁彌明。不過最轟動的是與朱慧敏車廂「蜜會」疑似「車震」事件，朱慧敏下車時更被拍到衣衫不整一面，事後朱慧敏更對傳媒哭着受訪，2012年朱慧敏更指「當時我好多嘢唔知，呢個係事實。」暗示當年不知梁榮忠與鍾麗淇拍拖。對於多年來被稱為「車震女」，朱慧敏曾表示好介意：「有時好唔忿氣，有啲咩就車震女，係咪咁冇人識呢？咁冇其他話題？係咪一定要Keep住我係『車震女』？」如今朱慧敏已成為幸福人妻，2021年嫁給養和醫院心臟科專科醫生陳良貴，去年10月底囡囡亦已出生，一家三口非常幸福。

鍾麗淇與梁榮忠再見亦是朋友

至於當年事件中的「正印」鍾麗淇，一度都原諒過出軌的梁榮忠，但最終都結束了8年情。對於前度梁榮忠，鍾麗淇曾受訪表示：「完全冇hurt feeling，生日都會互相WhatsApp......每樣嘢都係整定，事情發生之後，試過想補救，但其實唔可以勉強，我決定要向前行。我唔會怪佢，亦唔會覺得佢做錯事，呢條係佢嘅路，但選擇就係分開行......咁樣我會覺得舒服啲，我唔知佢嘅感覺，我要行自己嘅路。再見亦是朋友，我當佢係朋友，有乜嘢需要我會盡幫，不過就從未試過。我唔會block咗佢，因為我覺得佢唔係壞人，佢係一個好人。」