星8卦｜「妹妹」服侍「叔叔」等分身家 「痴情」未知真相懷疑戴綠帽
發佈時間：11:30 2024-01-26
「痴情」份人從來對愛過嘅人都好認真，而且好有品，從來唔會多講一句，所以咁多年同「白痴」因為環境太艱難分手，都依然保持友好關係。之後遇到「妹妹」，雖然年齡差距好大，但「痴情」太易入戲，抽離唔到，係意料中事好快結埋婚。其間佢都奇怪點解有個叔叔一直同「妹妹」都好好感情，「叔叔」對「妹妹」非常慷慨，連結婚都畀咗個大禮夠佢哋買層樓。「痴情」係老婆奴，女人講乜佢都信，「妹妹」話當對方老竇一樣，而佢又無女，就係咁簡單。
其實當初未出道「妹妹」已經跟住「叔叔」，不過「叔叔」嘅外父好巴閉，講明要繼承自己家業就唔可以對唔住自己死咗嘅女，所以「叔叔」咁多年都遵守諾言。「痴情」唔知咁多前文後理，有個後生女對自己示好，又真係好開心，所以一陣就結婚生埋細路。「痴情」近年終於發覺有啲唔妥，好多時「叔叔」一叫「妹妹」就乖乖現身，連屋企都唔理。
「妹妹」解釋「叔叔」年紀大唔係可以見得幾多次，所以叫佢體諒吓，其實「妹妹」用心良苦，知道「叔叔」份身家自己有份，盡吓自己責任都要，將來啲錢同「痴情」一齊用，但係又唔講得咁多真相，所以要佢明白要佢忍，都好考功夫，希望唔影響夫妻關係啦！
相關文章：
星8卦｜「馬面」由憐生愛照顧「純真」 老婆諗唔通離婚自找苦頭
星8卦｜「新貴」行運 「人妻」打當年情牌搞霧水緣 當「正印」無到
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
