前空姐蘇可欣爆藝人空中「超乎想像舉動」 高學歷藝人除襪後舉動衝擊眼球
發佈時間：14:30 2024-01-25
由馬國明、蔡思貝、劉穎鏇和郭柏妍等人主演的TVB新劇《飛常日誌》周五（26日）播映大結局，雖然整套劇只有10集，不過劇中15位TVB花旦的制服Look，位位都相當吸睛，本身是空姐出身的史穎喬和蘇可欣（Eunice），日前與「空少」魏柏豪大爆藝人坐飛機的奇怪行徑！
相關閱讀：飛常日誌丨15位TVB花旦吸睛制服Look逐個睇！最強Body空姐裙配黑絲 咪神密實更顯曲線
蘇可欣遇過甚麼飛機客人奇怪行徑？
空姐出身的史穎喬和蘇可欣（Eunice），日前與「空少」魏柏豪接受TVB的FB專一田月金大爆藝人坐飛機的奇怪行徑！2016年落選港姐蘇可欣入行前曾任空姐，任職空姐期間，曾遇過一位荷里活巨星，令她印象難忘：「佢上到機係完全唔需要人哋理佢，唔食、唔飲，總之你唔好搞佢，佢落機自己拎行李走，呢啲都非常好嘅客。以佢咁嘅地位而唔需要呢啲服務，成件事真係好夢幻，呢個就係李連杰先生。」
影帝任達華有禮貌
接着蘇可欣再爆另一藝人有「離奇兼超乎想像舉動」，她說：「呢個係一個學歷比較高嘅藝人，嗰陣佢同另一半一齊搭飛機，佢哋係坐喺經濟艙，經濟艙前後座位嘅距離唔係好闊，椅背有個袋可以畀你擺嘢，我竟然見到佢除咗襪，將對腳攝喺個袋入面，之後瞓覺。當我見到呢一幕，真係好衝擊。」史穎喬和魏柏豪一輪咀追問這個藝人的身份，蘇可欣只說：「我只可以話佢係一個高學歷嘅藝人，係一個女藝人，靚唔靚就見仁見智。」魏柏豪亦曾遇過一位男藝人，當時因需要講解一些關於飛行安全的資料，當魏柏豪行到這位藝人身邊，對方立即除下耳機細心聆聽：「呢個動作令我感覺真係好尊重我，佢就係任達華。」
飛常日誌丨15位TVB花旦制服Look逐個睇：
其實過往都試過有空姐大爆藝人在飛機上各種行徑，最受空姐們歡迎的藝人，第一位古天樂、第二位是舒淇、第三位是張曼玉，好好先生任賢齊則排行第四位，而最不受空姐們歡迎的藝人，，其中一個是「餓鬼藝人」，試過食完飛機餐再要求要碗粥，但空姐回應已經派完後，「餓鬼藝人」一手將餐牌飛掟枱上並說：「咁冇嘢啦，走啦！」還有「大笑姑婆」，有空姐爆料指有不少妹妹仔空姐視她為偶像，但每次「大笑姑婆」上機就瞓，當她起身準備落機，第一句就爆：「影啦影啦咁想影」，結果搞到妹妹仔空姐「將佢Out出偶像名單」！最後爆：「有個男星行入去廚房同人講：『我今日好攰，唔好搵我影相同簽名』，兩名機艙服務員你眼望我眼……冇人識你喎！仲有一次，有個巨星想穿過廚房，去另一邊，本來講句『Excuse me』大家就明，佢偏偏講『I just want to pass away』，即係我想去死？在場空姐忍笑忍得好辛苦呀！」
其他文章：
「最強Body」劉穎鏇陳年空姐造型片翻hit 黑絲長腿空姐look再登場狀態勝當年
飛常日誌︱劉穎鏇戴祖儀長腿女神黑絲空姐Look曝光 蔡思貝靠一招搶Fo
73歲李司棋空姐Look曝光！黑絲晒美腿與年齡完全不符 多次扮鬼扮馬勁可愛
----------------------------------
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
