前亞視一姐阿儀扮Barbie被嘲似紙紮公仔 網民提林寶玉以4字惡爆回覆
發佈時間：16:30 2024-01-08
前「亞視一姐」薛影儀去年因好友黃榕與經理人林寶玉鬧翻，亞洲心動娛樂期後更發聲明，宣布無限期雪藏阿儀。阿儀之後與黃榕繼續經常孖公仔出席活動，最近黃榕42歲生日，舉行「芭比Barbie」主題生日會，阿儀亦着上粉紅格仔裙扮芭比，視覺效果令人好震撼！
相關閱讀：薛影儀巨腩湧現跳鋼管舞！零嫵媚感展現自信神情 網民見一舉動即嚇窒
薛影儀扮Barbie如何震撼網民？
阿儀昨日在IG貼出黃榕生日會的照片，留言說：「今日阿榕生日會，我哋扮barbie girl。」照片見近10個女士齊齊着上粉紅色格仔吊帶裙出現，當然阿儀都有着，豐還幾乎逼爆格仔裙，阿儀還在「Barbie箱內」開心舉V影相打卡，不過依然每張相、每段片繼續經典的木口木面。
網民建議扮點心阿姐
阿儀扮Barbie還引起網民熱議，有人讚阿儀好靚女，不過也有人說：「你扮緊紙紮公仔？」、「阿儀呢度係咪絲紮舖？」、「喺邊間大排檔偷人地咁多枱布？」、「好心幫阿儀化下妝啦，成班人淨係化自己」、「最大波肯定就是你」、「阿儀其實唔使搞咁多嘢，又扮少林足球又扮Barbie，都唔似。不如搵間酒樓，黃榕被知客，你着返推點心嗰套衫，毫無違和感。」有網民亦留言提到林寶玉：「有冇叫埋寶玉去？」不過阿儀竟然惡爆回覆：「叫佢條命」！
薛影儀凸腩跳鋼管舞：
其他文章：
前亞視一姐薛影儀打白髮婆婆被轟冇良心 聞前經理人林寶玉激動扯火爆粗
亞視一姐薛影儀傳加入失業大軍！見工獲黃榕全程陪伴 轉型做主播無聲氣
獨家丨薛影儀「X」出禍「一姐」生涯玩完 損友黃榕廣發訊息助搵工洩被炒
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
