吳浩康驚遇地盤盜竊事件？搵一人出手儆惡懲奸 豪氣萬歲成工地最受歡迎工友
發佈時間：16:30 2024-01-07
現年40歲的吳浩康（Deep）去年11月初宣布約滿離開英皇後，忽然自爆轉做「職安真漢子」養妻活兒，最近成為「地盤KOL」的他還不時於社交網分享工作日常，而昨晚（6日）上載的最新「地盤下午茶」影片中，卻自爆疑似遇上地盤盜竊事件！
相關閱讀：吳浩康變地盤KOL！實測「地盤飯」只需XX元 吳若希見高空工作直呼腳軟
吳浩康食下午茶可以點緝兇？
繼上月底拍片實測「地盤飯」反應熱烈，吳浩康乘勝追擊再分享「地盤下午茶」影片，並寫道：「嚟啦喂！地盤下午茶到底有咩食？今次我準備咗自己食過嘅下午茶同大家一齊分享！開餐啦！」片中所見，除了地盤飯車供應的各式樽裝飲品外，還有菠蘿包、三文治，以及外賣連鎖快餐店的漢堡包及炸雞等，而自備下午茶方面，有朱古力百力滋、童星點心麵、魚仔餅及M&M's等，亦少不了可提神的咖啡及可樂，非常豐富，一班工友都食得好滋味。
點擊睇吳浩康更多生活照：
不過在拎外賣期間，吳浩康忽然笑騎騎爆出一句：「一齊查出邊個偷我頂帽！」雖然沒有即時加以解釋，但今日（7日）他再於IG Story上載一段囝囝萌片，可見1歲「撑撑」吳尚恩手執吹氣鎚仔猛敲面前不倒翁，吳浩康寫道︰「俾我知道邊個偷我頭盔，下場會同個公仔一樣，撑撑幫爸爸罰佢。」似乎他本來戴的黃色安全帽被人拎走，未料有網民讚換上的粉紅色安全帽靚得多時，吳浩康竟回覆「升職」兩字，結果神逆轉！
其他文章：
吳浩康做職安真漢子下午茶豪嘆「海鮮餐」 嚴寒下開工臉容憔悴黑眼圈明顯
吳浩康做地盤捱到殘驚現巨大黑眼圈 甫見1歲萌爆囝囝甜入心秒變慈父樣
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
