黃心穎一家走出喪父傷痛！為母親慶祝生日黃心美承諾加倍愛媽媽

更新時間：11:00 2023-12-27
發佈時間：11:00 2023-12-27

黃心穎的中醫父親黃沛霖12月14日傳出離世消息，享年75歲，有指黃心穎當時急住結婚，與「沖喜」有關。黃家雖然未有提及父親與世長辭的時間，但黃心穎四姊妹喪父後，生活未見受到大影響，黃心妙與老公帶三個仔女開心外遊，似乎已極速走出傷痛。昨日（26日）大家姐黃心美及二家姐黃心妙分別在社交網出帖文為母親慶祝生日，黃媽媽笑容滿臉，相信已走出喪夫陰霾。

【相關閱讀】：黃心穎名中醫父離世終年75歲上周二女晒三代同堂溫馨拖手照成回憶

【點擊睇黃心穎媽媽慶祝生日】：

黃心美先在社交網貼出與母親的合照，二人在聖誕樹前打卡，黃心美留言：「仍然有同你溝通唔到，嫌你長氣同囉嗦嘅時候，但係亦都經常睇到你非常可愛同搞笑嘅一面，往後嘅日子我會連同daddy嗰份去愛你double。Happy birthday 媽，一定要開心健康。」之後黃心妙在晚上分享一家人慶祝的照片，雖然未見三家姐黃心慧身影，但黃心妙一家五口，與黃心美、黃心穎為母親賀壽，黃媽媽收到蛋糕及鮮花，展現出開心之情。

黃心妙一家開派對

黃心妙寫道：「習慣被寵的我，找到一個餘生要被我好好寵愛的人，佢就係我媽子啦。祝呢位大美人日日都開開心心，無憂無慮，要健健康康喔 #點睇都唔似69歲 #邊個最似阿媽呢」。而前一日，黃心妙分享一家人與朋友開派對的照片，非常熱鬧，她在留言中似為未來日子打氣：「別忘了微笑、擁抱、親吻、多一點愛、有勇氣、有希望、感恩、善良、耐心、做自己 #sendingyoulove #mychristmasnight #keepsmiling #myheartisfull」。