黎淑賢離世丨任達華惋惜《古惑仔3》拍檔離世「好多朋友走」 楊玉梅近日有互傳短訊
發佈時間：16:49 2023-12-26
黎淑賢今日（26日）驚傳在北角燒炭輕生，終年46歲。黎淑賢生前拍過的電影、劇集不多，《古惑仔3之隻手遮天》飾演任達華女友「方婷」一角可說是她的代表作。任達華今日接受《星島頭條》亦大感惋惜。
【相關閱讀】：黎淑賢離世丨與盧惠光有過一段婚姻傳帶仔蒲夜店惹怒前妻 現任老公許智政為美容醫生
【點搫睇黎淑賢任達華昔日合作】：
任達華在90年代曾與黎淑賢合作電影《古惑仔3之隻手遮天》，正身在北京拍戲的任達華，從《星島頭條》得知黎淑賢離開的消息，他不禁表示：「哎呀哎呀…心好唔舒服，點解人生會咁樣，記得我們在荷蘭合作《古惑仔》，記得她是亞姐出身，是為人開朗、好女仔，大家唔太多時間傾，始終是女仔，要保持距離。」
「大老B」吳志雄嘆可惜
任達華指與黎淑賢不太熟，合作之後未再見面，但不禁嘆息道：「海味（周海媚）走了，好多朋友走，人生無常，希望她們一路走好，大家要珍惜眼前人，雖然經濟唔好，如果覺得自己走彎了，轉頭總會走到直路，唔好鑽牛角尖，好欷歔，無事係解決唔到㗎。」
當年同樣與黎淑賢合作拍《古惑仔3》的「大老B」吳志雄今日回覆《星島頭條》：「我啱啱知道，不過我哋拍完戲已經冇聯絡，真可惜。」
【點擊睇黎淑賢最後身影】：
楊玉梅與黎淑賢同是亞姐出身，亦曾參與「亞姐會」仁美清敍，楊玉梅回覆《星島頭條》，透過記者得知消息的她感到好震驚：「我仲未睇新聞，之前大家短訊完互祝聖誕快樂，當時她心情沒異樣，她是好開心的女生，私下好正能量，亦是位好媽咪，會全心全意照顧小朋友。之前大家有相約生日飯局，但因為工作尚未見到面，好可惜。」
羅霖多年無聯絡黎淑賢
同屬亞姐的羅霖接受《星島頭條》訪問時表示跟黎淑賢唔熟，已經好多年冇聯絡。不過，已有朋友告知她噩耗：「願她得到安息。」更慨嘆人生無常。蔡國威今日亦在IG上載與黎淑賢的舊合照，留言表示：「唉….😫究竟發生咩事??咩事諗唔通??咩事要揀呢條路?? 我認識嘅Bonnie係好開心好靚,好關心同幫助朋友,好錫佢幾個仔仔,好愛護動物……手機新聞提示彈出嚟嘅時候,又係超級震驚,做咩咁傻…..已經打算嚟緊農曆新年約飲茶再見面,但…….🥹😭My friend,多謝妳過往幫助,一路好走🙏🏼🙏🏼」。
【防止自殺求助熱線】：
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
利民會： 3512 2626
賽馬會青少年情緒健康網上支援平台「Open 噏」：http://www.openup.hk
【其他文章】：
黎淑賢離世丨前夫盧惠光四字回應 八年婚姻誕兩子2006年離婚收場
黎淑賢離世丨ViuTV新劇《法與情》成遺作 相隔21年客串演出屬玩票性質
黎淑賢離世丨最後身影曝光！昨晚IG貼聖誕BBQ派對相 與狗狗自拍現微笑
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
