黃嘉雯月初30歲生日與富二代男友開豪華派對 平安夜公布喜訊：終於可以分享
發佈時間：14:00 2023-12-25
2019年港姐冠軍黃嘉雯（Carmaney）一向身材出眾，選美前已經常在社交網派福利，她去年在TVB劇集《下流上車族》飾演「最強小三」也晒出傲人身材，令網民心心眼。不過，黃嘉雯已名花有主，早前慶祝30歲並舉行豪華生日會，富二代男友Jordon亦有現身。昨日（24日）平安夜，黃嘉雯突然公布喜訊，莫非繼湯洛雯與何依婷之後，又有女神要結婚？
【相關閱讀】：黃嘉雯深圳開30歲生日會！似足東南亞奢華度假村 公開佈置飲食攻略搞足兩個月
【點擊睇黃嘉雯有喜訊公布】：
黃嘉雯趁平安夜分享了一輯靚相，並煞有介事指：「等咗咁耐，趁呢個咁高興嘅節日，終於可以同大家分享呢個好消息啦」，但就並非閃婚，反而是家中多了新成員：「屋企多咗兩個新成員Teddy & Rosa，原來母愛真係好偉大，Doxy真係一個好盡責嘅媽媽，照顧得呢兩隻BB肥肥白白，呢段時間辛苦你啦！原來見證住生命嘅延續係一件咁神奇嘅事情，由一個小朋友變成一個眼中只有愛嘅媽媽，仲要見到你同Chico相親相愛，做婆婆嘅感到非常安慰，媽媽So Proud of you。你哋一家四口以後要繼續幸福快樂，就係我最好的聖誕禮物，I love you all so much！」
【點擊睇黃嘉雯更多靚相】：
深受感動的黃嘉雯為記念這溫馨一刻，以索爆聖誕女郎造型聯同愛犬一家四口影全家福，她自己穿上吊帶短裙大晒長腿之餘，也為狗狗悉心打扮，為牠們戴上聖誕帽及頸巾，還有不少聖誕裝飾應節。黃嘉雯更不停錫錫初為人母的Doxy，非常溫馨，不知道甚麼時候會輪到她本人公布喜訊。黃嘉雯參選時曾有位瑞士籍男友Matej，不過拍拖三年後分手，她其後被爆已秘撻富二代Jordon，更多次同遊泰國及韓國時於社交網洩「蜜」。據悉，出身富裕的Jordon於英國University of Leeds畢業，住複式豪宅，現職方案經理（Solution Consulting），平時喜歡打籃球、行山及健身等，並為一名肌肉型男，有指兩人都是愛狗之人，並透過愛犬傳情。
【其他文章】：
黃嘉雯閃爆Tube Top露腰晒長腿慶30歲生日 疑似富二代男友激罕現身！
黃嘉雯中門大開激罕晒驕人上圖 視覺效果震撼網民：咁性感唔似你
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
