52歲朱茵獲網民投票成「靚到癲嘅女明星」第七位黃貫中戥老婆不值：邊個靚過佢？

更新時間：13:35 2023-12-21
發佈時間：13:35 2023-12-21

現年52歲的朱茵在90年代憑電影《西遊記大結局之仙履奇緣》飾演「紫霞仙子」一角，成功穩坐女神地位，朱茵在2012年與黃貫中結婚，同年誕下女兒黃鶯後，淡出幕前專心相夫教女，直到女兒長大後，才復出幕前，但依然美艷如昔，美貌勝當年！

近日有囡囡逐漸長大才北上發展。相隔13年，朱茵早前再接拍ViuTV新劇《反起跑線聯盟2》，近日有網民在討論區發起票選「一人一個靚到癲嘅女明星」，朱茵躋身十大列第七位，黃貫中（Paul）竟然開到口戥老婆不值！

【相關閱讀】：網民票選「靚到癲」女星排行榜！兩位TVB視后殺入十大高材生星二代僅排第九

【點擊睇黃貫中朱茵罕合體】：

朱茵日前與老公黃貫中合體為新一年拍攝造型照，對於早前有網民在討論區發起票選「一人一個靚到癲嘅女明星」，朱人坦言並不知情並笑說：「多謝大家嘅支持，當然好開心，我都啱啱聽到呢個消息，好似係橫跨好多代，我當然覺得好光榮！大家仲記得我，對我嚟講係一個好大嘅支持。其實靚真係各花入各眼，冇一定準則，我覺得最緊要係有自信、心情要開朗，冇人想見到你靚，但係口黑面黑，所以我盡量保持好心情。」

朱茵貴為一代女神，黃貫中開到口戥老婆不值：「第七位？前面六個係邊個？邊個靚過我老婆？有冇搞錯？冇可能！」黃貫中表示最欣賞太太並非只有外在美：「心目中太太樣樣都靚！哈哈，其中最主要係內在美、性格，相處咁多年，外表幾靚都會對厭，一個人最緊要內在，真㗎！唔好以為我講風涼話，其實我真係欣賞佢內在美多過外在美，佢嘅性格好好，老婆你好靚，靚到癲呀！犀利呀！」逗得朱茵笑不攏嘴，二人結婚逾20年依然恩愛，認真甜到漏。

【點擊睇網民票選十位「靚到癲」女星】：

聖誕節將至，朱茵與黃貫中會跟囡囡黃鶯如何慶祝？他們表示今年會留港共度聖誕，朱茵表示：「今年會玩真嘅聖誕樹，第一次放真嘅聖誕樹喺屋企，原來成間屋都會香晒，我哋提早布置聖誕裝飾，掛咗好多心儀嘅聖誕裝飾。其實我哋已經好多年冇掛呢啲裝飾，今年係隆重其事，同埋我哋有共識，今年會買好多聖誕禮物放晒喺聖誕樹，然後大家抽。禮物係其次，我覺得最重要係嗰份精神，諗啲小心思氹屋企人，因為回憶係攞唔走。」

黃貫中陪囡囡打機當獎勵

黃貫中亦說：「去邊都玩都係個女話事，女大女世界，我都會同佢打吓機，不過都係間唔中，我唔係太鼓吹佢成日打機，當係獎勵式咁陪吓佢。」至於新一年工作，朱茵表示工作上會繼續給予觀眾驚喜，會挑選好劇本拍電視劇及電影，至於黃貫中來年將集中精神出唱片，他說：「呢隻碟錄咗好耐，成十年，希望有個圓滿嘅結束，所以全副精神會放喺隻碟度先。」