朱智賢經歷風波幸與謝東閔感情昇華談結婚計劃：一張紙唔代表啲咩

更新時間：22:00 2023-12-16
發佈時間：22:00 2023-12-16

TVB最近爆離巢潮，2013年港姐出身的朱智賢（Ashley），離開工作長達10年的娘家，於10月宣佈約滿回復自由身。朱智賢曾經歷雪藏一年，今年終憑劇集《破毒強人》再獲讚賞，事業再露曙光的她，接受雷霆881商業一台《星光背後》專訪，分享在離巢前只花三星期決定跳出舒適圈的心路歷程，亦剖白2020年爆出負面新聞後曾前路茫茫，幸得男友謝東閔鼓勵重新振作的經過。

【相關閱讀】：朱智賢街頭落難無現金！獲燒賣姐姐雪中送碳借100元度難關

【點擊睇朱智賢談謝東閔】：

朱智賢近日為HOY TV主持綜藝節目《聖誕啦開飯》，接受商台訪問，對於約滿TVB後宣佈離巢，朱智賢表示：「其實都真係幾突然，因為我一路都冇plan過要離開！」她透露花了三星期考慮：「嗰三個星期我每日都瞓得唔好，我個人好迷惘！到最後都係決定試吓，因為年紀都唔細，女仔好唔同。」朱智賢承認公司就續約與她溝通多次：「每個人追求唔同，但我有隻長期病患的狗狗，負擔好大。」

朱智賢感謝監製羅永賢

自宣佈離巢後，朱智賢表示整個人都變得豁然開朗：「一開始會唔捨得，覺得10年就咁完咗，但又覺得好似展開咗人生嘅另一頁咁。」除了不捨在TVB拍劇外，朱智賢在節目上也特別感謝伯樂監製羅永賢（Marco）在2018年找她演《白色強人》，對方更不理眾人反對雪中送炭，讓朱智賢有機會復出幕前：「佢一直係咁俾機會我，令到更加多觀眾喺劇入面認識我。」

朱智賢擔心永不超生

2020年爆出負面新聞，朱智賢陷入事業低潮，她透露當時的感受：「當時一片空白、好徬徨，唔知道下一步應該點，覺得成個天跌落嚟咁。」朱智賢指停工第九個月時最難受：「因為有前輩同我講，仲有邊個會用你朱智賢，似真係永不超生。開始好驚好擔心、唔知點算。尤其那一年沒收入，曾考慮過自己是否需要轉行。」停工整整一年後，朱智賢藉劇集《愛美麗狂想曲》的宣傳活動復出，她受訪時一度嗚咽：「嗰陣我好感動，係Marco俾機會我出返嚟，好多人同佢講唔應該叫我嚟，因為會變咗焦點，但佢覺得要幫我，佢真係好偉大。」

【點擊睇朱智賢更多靚相】：

在TVB十年，朱智賢坦承認識男友謝東閔是在這一行最大得著之一，她亦分享與謝東閔的相識經過：「其實之前冇乜合作過，他參選《巨聲》時，我仍在紐西蘭讀書，亦唔知佢係邊個。純粹係綜藝節目《天與地》開會見過面，之後在宣傳記招認識，之後係因為有共同朋友一齊出去玩先熟絡。」被問到謝東閔最初吸引自己注意的地方，朱智賢透露：「因為佢同我一樣都鍾意狗，最搞笑係佢話畀我聽佢隻狗叫『豬豬』，我是呆了，因為我的花名都是叫『朱朱』，好搞笑。」二人因愛狗結緣，朱智賢接受追求，因謝東閔有不少優點：「心地好好、有義氣、個人好真誠，同佢相處好簡單直接。」