孫慧雪產後晒比堅尼暢泳！乸埋口面自嘲似殺人鯨網民專注力全放一個部位

更新時間：15:30 2023-12-15
發佈時間：15:30 2023-12-15

現年41歲的孫慧雪於2016年嫁富二代羅天彥（Edwin Lo），翌年誕下大仔「水哥」羅駿滐（Riley），今年7月再誕9磅重細仔「肉肉哥」Rian。孫慧雪產子近半年，經常表示要減肥，雖然一度回復好身材，但最近疑再暴飲暴食，身形再度變得圓潤。近日孫慧雪陪大仔去澳門玩，又貼出自己在泳池暢泳的片段，不過孫慧雪自嘲似殺人鯨，笑爆網民。

【相關閱讀】：孫慧雪6歲大仔持續發燒逾40度超過一周感染一病入院四日未可出院

【點擊睇孫慧雪性感靚相】：

回顧入行之初，孫慧雪因豐滿身材，成為宅男女神，更多度推出寫真。孫慧雪帶兒子到澳門的水上樂園，就穿上長袖泳衣及長褲，但昨晚（14日）在社交網分享一條游水片，卻見到她穿上黑色比堅尼在水中暢泳。孫慧雪自陀細仔後，已有一段時間沒有晒身材，今次實屬近來罕有，睇到不少網民心心眼。孫慧雪留言：「點解人人都可以游得咁優美，但無論我幾盡力扮優雅，出嚟嘅效果點都似一條殺人鯨多啲 #怕水怕到乸埋口面」。

趙希洛教游水

趙希洛留言表示可以在明年暑假教孫慧雪，而孫慧雪即回覆：「please!!!」，不過趙希洛開條件要求到馬爾代夫學習：「You can take me to the Maldives and I will teach you there」。網民對二人的互感有趣外，還加入取笑孫慧雪：「似遇溺多啲」、「遇溺界算靚」、「好似條抽筋嘅美人魚」、「就算係殺人鯨，都係一條性感嘅殺人鯨」、「其實都靚嘅，只要你專注往前面，唔望鏡頭就會有自然美」、「個專注力點會睇你游得好唔好，全部擺曬喺你心口度啦」等。