林超榮逝世｜林超榮兩年前談生死人生無憾 自揭立平安紙留物業予女兒
發佈時間：14:45 2023-12-12
人稱「超人」的資深傳媒人林超榮今午（12日）驚爆死訊，終年61歲。林超榮生前身兼司儀、創作人、電影及電視編劇、演員、作家等，兩年前夥拍陳淑蘭（蘭子)、梁榮忠及經理人Connie為YouTube頻道「夢飛行垃垃雜雜」節目擔任主持，當時他於節目中大談生死，並自揭遺產分配。
【相關閱讀】：林超榮逝世｜90年代接替曾志偉主持《開心主流派》爆紅 《低俗喜劇》成近年代表作
【點擊睇林超榮逝世】：
林超榮嘆身邊多老友離開
林超榮曾在節目中有感而發，表示去年突然失去很多老友，令他有了危機感，於是為了不抱憾離世，開始細想有甚麼事情望於臨終前完成，更笑言以後不寫劇本，改寫「平安紙」。跟太太、專欄作家屈穎妍育有三名女兒的林超榮，及後稱自己前半生努力打拼，已為各女兒留下物業，他說：「除咗供書教學之外，仲留咗物業畀啲女，盡晒責任。三個女有三個物業，身為老竇我都覺得幾掂，有幾嚿嘢畀佢哋！」
林超榮望女兒無後顧之憂
對於梁榮忠認為此舉令林家三千金失去做人目標，林超榮則謂只是想女兒可無後顧之憂去做想做的事。被問到人生是否已無憾？他說：「大吉利是講句，我覺得都幾不錯，我向來都係不求做好，只求做到，呢個目標唔係好啱，但我覺得幾開心。我人生目標就係想拍戲，做導演、做節目主持、編劇、監製，而家做埋KOL，咁都好好彩，做晒！」
林超榮為健康減走20磅
不過，林超榮直言不想離世時太辛苦，所以都努好保養身體並減走20磅，還打趣道：「我其中一個人生目標就係要Keep住自己身體狀態，搵個地方可以花天酒地，但到有呢日就有心無力，跟住周圍封城，本來啱啱到個目標，佢就爆疫情出唔到埠。」
【其他文章】：
【林嶺東猝逝】林超榮讚對香港影壇貢獻良多 邵音音傷心哭一整晚
周海媚突然登微博熱搜！遭內地網瘋傳死訊 友人昨聯繫未察覺有異樣
范瑋琪媽媽驚傳病逝！嫲嫲爸爸接連離世 兩年內痛失三摯親老公陷metoo風波
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
