何沛珈一雙手臂現瘀青極似家暴自我安慰「係愛」網民震驚

更新時間：21:30 2023-12-10
發佈時間：21:30 2023-12-10

現年27歲的何沛珈2020年參選港姐入行，之後加入《東張西望》，成為「東張女神」之一，備受力捧的她，入行短短三年，獲得不少演出機會，除《愛．回家之開心速遞》飾演細龍生秘書Luna，人氣急升，最近播出的《新聞女王》亦見何沛珈的身影。何沛珈近日在社交網貼出照片宣傳，見到她穿上排球裝束，化身劇中「萬華隊」隊長，不過何沛珈的瞓身演出，卻被網民懷疑受到家暴。

【相關閱讀】：TVB台慶2023丨何沛珈博到盡晚裝件件好吸睛亞軍王怡然直入錄影廠陪樂小姐睇騷

【點擊睇何沛珈現傷痕＋《新聞女王》逐格睇】：

何沛珈在《新聞女王》中飾演排球隊運動員，前晚（8日）已經在劇中出場，因為被飾演SNK News新聞記者王敏奕追訪，不慎扭傷腳，導致比賽時失準。而劇中，何沛珈又會有出浴戲，場面令人想入非非。何沛珈昨日（9日）在社交網出PO，分享拍攝時的花絮，但見到她的雙手滿佈瘀痕，更手臂上更見到好似針孔的黑色一點點，傷勢嚇人。何沛珈還搞笑拍下瘀傷的近鏡照，打趣指瘀青「係心形係愛呀」，作自我安慰。

何沛珈搵訓練學校上堂

何沛珈寫道：「一開始知道自己要做排球隊長，都有點擔心，好驚自己會做得唔似，咁啱我有位大學讀體育嘅朋友，佢就介紹咗呢間排球訓練學校嘅師兄俾我，師兄非常好人，俾我上堂訓練，之後仲做埋我哋排球隊訓練。在訓練當中我感受到了運動員的熱血，他們是經過了多少困難和瘀傷，才可以到場上比賽，和教練和隊員之間有著怎樣的關係才能夠在場上這麼合拍、這麼團結一致。」

【點擊睇何沛珈靚相】：

雖然何沛珈一雙手臂傷勢不輕，但她未有介懷：「因為這些瘀痕更加令我感受到作為專業運動員嘅艱辛，我記得當佢哋見到我兩隻手通紅，佢哋只係講左句『第日會慣啦！』當下我明白到底有幾愛一件事，先會願意承受你唔需要去承受嘅痛苦，然後去堅持，所以我好多謝拍攝之前有這些訓練，不但更加貼合角色，亦都更加容易去了解角色。 #相信大家下一集會更感受到廖子珊對排球的愛和痛 #謝謝瘀青」。