黃智雯宣布離巢TVB！2007年選港姐入行服務至今16年：多謝呢個地方孕育我

即時娛樂

更新時間：15:04 2023-12-01
發佈時間：15:04 2023-12-01

現年40歲的黃智雯早前突然宣布與拍拖多年的珠寶集團高層詹文天（Anthony）結婚，今日黃智雯在IG貼文，突然宣布離巢TVB。黃智雯參選《2007年度香港小姐競選》入圍最後五強，其後簽約TVB至今，已經16年；今年已多次傳出黃智雯會離巢，不過之後見她仍有繼續現身TVB，今日亦終於宣布離巢消息。

【點擊睇黃智雯演藝路】：

黃智雯今日（1日）在IG貼出最後一日在TVB的工作Vlog宣布離巢消息，黃智雯留言說：「呢一刻，難以用三言兩語形容我嘅心情，百感交集……多謝TVB，多謝呢個地方多年嚟孕育我，栽培我，一步一腳印，踏實地慢慢走到今天～特別多謝遇到嘅每一位監製以及愛錫我嘅台前幕後，能認識到一班好戰友，相遇相知，一起成長互勉，我確實是很幸運🙏🏻！多謝鵪鶉妹、蘇鳳蓮、關二嫂、美雪、蘇文強、方寧、方以因、芷若、madam G、游雁星、張心月還有顧晴天，多謝您地帶比我美好嘅回憶，喺我心入面每個角色都充滿着溫度和份量😌💕接落嚟嘅新一頁，我期待遇到更多嘅角色，喺不同嘅舞台上，迎接更多挑戰，I’m ready！💪🏻✨🌟」

黃智雯今午以短訊回應《星島頭條》表示：「多謝關心🥰🙏🏻其實暫時忙於排練胡說八道會演出，我哋幾個姊妹難得同台表演，所以先將所有心機同時間放喺演唱會先，之後我嘅動向，會稍後再同大家講，不過大家放心，我會繼續專注幕前工作，演戲始終都係我最鍾意嘅工作🥰。」直接否認婚後當少奶奶，而是將會繼續幕前工作。