50歲黎瑞恩殘爆又肥番？繼續狂食大餐 真實狀態輸年長8歲同場前亞姐
發佈時間：11:00 2023-11-29
現年50歲的「小恩子」黎瑞恩2014年與金利來太子爺曾智明離婚後，一直獨力照顧大女曾凱栭和細仔曾浩儒，如今一對子女已長大成人，她一度簽約王祖藍經紀公司北上發展，近年則轉戰社交網間中開Live以歌會友。已鮮有公開露面的黎瑞恩，日前罕有現身圈中好友聚會，未料其發福殘爆Look嚇窒網民。
【相關閱讀】：50歲黎瑞恩一家顏值超高 18歲兒子外型高大 女兒得媽咪真傳隨時準備入行
【點擊睇黎瑞恩真實狀況】：
黎瑞恩近年偶爾透過社交平台交代近況，而大部分自拍都疑似加上重濾鏡修飾，惟大前日（26日）卻遭好友楊玉梅「出賣」。事緣早前二人到好友家中聚餐，同場還有「大姐明」林建明與丈夫曾展章、前亞視藝人黃美芬等，及後楊玉梅於社交網分享大合照，令黎瑞恩真實外形曝光。雖然當日黎瑞恩已穿Oversized黑色衛衣遮身，但明顯手指肥嘟嘟、面形圓潤， 且全素顏兼紮「道姑頭」的她唇色蒼白、雙眼無神，加上膚色暗啞，連網民都慨嘆昔日歌壇玉女不復當年勇，相反身旁的58歲楊玉梅卻更顯年輕！
【點擊睇黎瑞恩高顏值子女】：
婚後身材走樣的黎瑞恩其實早在今年7月，曾出Po透露展開720小時減肥之路，並謂以前熱愛運動，無奈產後失去動力、自律系統失靈，致身形由38碼暴脹至46碼，令她難以接受：「有時朋友播我以前嘅MV嘅時候，見到以前咁，而家變成咁真係……試過辟穀四日，朋友覺得我好慘，又攞嘢嚟引誘我，結局係…試過生酮飲食，其實得㗎，但係朋友太多，晚晚叫我出去食飯，咁我又唔好意思喎，又去咗啦。『黎瑞恩，唔好再賴人啦！係你自己冇定力』我知，經過一輪嘅反思，得出嘅結論就係………要得到完美嘅體態，『必先苦其心志，勞其筋骨，餓其體膚』希望今次係最後一次，加油呀。」惜之後又食西瓜盅又食雪花冰，難怪最後前功盡廢，連她也自嘲：「睇嚟，我有排都見唔到大家喇。」
【其他文章】：
49歲黎瑞恩身材暴脹成個碼離婚後努力搵錢 北上踩住roller唱live著衛衣遮肚？
黎瑞恩17歲仔變麻甩巨人抱起媽媽 網民祝福好快有新抱即落閘：唔好咁快
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
