Twins演唱會丨門票秒殺加開兩場變8場創紀錄阿Sa生日雙喜臨門望身體健康為演出加持

Twins演唱會丨阿Sa生日雙喜臨門！門票被秒殺即宣布加開兩場破紀錄

更新時間：16:45 2023-11-15
發佈時間：16:45 2023-11-15

Twins相隔9年重返紅館舉行《TWINS SPIRIT SINCE 2001 LIVE IN HONG KONG》演唱會，一話開騷，已經瘋狂引爆回憶殺，內部認購前所未有咁瘋狂。今早（15日）進行優先訂購，更秒速爆滿。主辦單位英皇娛樂即時宣布加開兩場，由6場變8場！門票將於11月22日起城市售票網公開發售。

【點擊睇Twins演唱會加開兩場】：

過去多年，Twins的紅館演唱會最多是5場，今次開8場破了紀錄，不單令粉絲興奮若狂，亦令阿Sa（蔡卓妍）同阿嬌（鐘欣潼）非常開心，阿Sa謂：「以組合來講，入行22年仲可以開演唱會，企喺台同大家慶祝，真係好難得！所以呢個演唱會對我哋嚟講係好有意義！知道咁多人仲繼續支持我哋，又感動又開心！希望到時大家可以有一個好好玩嘅晚上。」

公售與頭場日期是二人生日

今次演唱會的公售日期剛好是阿Sa生日，而演唱會頭場則是阿嬌生日，問到二人是否專特揀呢兩個良辰吉日？阿Sa表示：「梗係唔係啦，真係咁橋，紅館檔期邊有得揀，第一次公司同我哋講呢日開騷，我地都覺得好奇妙，公司就話，不如喺我生日嗰日公開發售啦！咁兩個生日都可以雙喜臨門。」阿嬌表示：「加場雖然開心，但都開始有啲壓力，希望到時可以做到最好畀大家！」阿Sa表示，今年的生日願望一定是做好個演唱會，還有身體健康，嚟緊要開始排舞練歌，身體好緊要。」

【其他文章】：

Twins演唱會丨出道22周年宣布開香港演唱會！傳明年1月紅館連開6場海報率先曝光

東周刊20周年午宴丨阿Sa蔡卓妍分手後首在港現身笑容滿面公布「喜訊」

鍾欣潼罕有公開「蜜照」哄動全網臉貼臉合照網民送祝福

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ