鄧麗欣演唱會丨Stephy見Cookies合體感動狂喊 吳雨霏楊愛瑾罕有聚頭一舉動證已破冰
發佈時間：11:15 2023-11-13
鄧麗欣（Stephy）昨晚（12日）在灣仔會展舉行《Therefore I Am》演唱會，吸引多位圈中人捧場如唐詩詠、張繼聰、吳若希與老公及戴祖儀等，曾與Stephy合作《男排女將》的MIRROR成員呂爵安、盧瀚霆及李駿傑，以及Cookies時代的好姊妹楊愛瑾（Miki）、吳雨霏（Kary）、區文詩（Angela）、陳素瑩（Gloria）及何綺玲（Elaine）亦有到場，而楊愛瑾跟吳雨霏更是自傳不和後首次同框合照，而且更坐在一起睇騷。
【相關閱讀】：飯戲攻心2｜黃子華落實不參演張繼聰頂上無壓力 鄧麗欣：他的精神仍在
【點擊睇鄧麗欣開騷多吳雨霏楊愛瑾罕有同場】：
相隔16年再開騒，鄧麗欣披上恍如婚紗的白色「紙張」現身，唱出《分手的情書》為演唱會揭開序幕，唱到一半時撕下身上紙張露出內裡的黑色低胸裙。鄧麗欣之後又換上短褲晒長腿，不過當唱出《姊妹淘》時，大螢幕一直播出鄧麗欣兒時照片，而鄧麗欣因太感動關係哭了出來，導致數度甩嘴，唱《Waiting list》時舞蹈員將油漆潑到鄧麗欣身上，她笑說：「OK, never mind！」
鄧麗欣全晚唱出多首歌曲如《十分‧愛》、《藍鞋子》、《電燈膽》、《他不准我哭》及《黑白照》等，鄧麗欣在台上分享感受時表示人與人之間的關係好特別，在相遇後會互相影響，當中有好也有壞，成就不同的關係：「當中充滿不同情緒，有痛苦、快樂、糾結，無論感覺如何，或者不知所措，過後回想一切好與壞，發生過都係重要成長嘅養份，成就你與我。我人生當中，好多歌都係人生經歷，慶幸大家記住同鍾意，雖然唔知大家鍾意幾耐，但唔緊要，只要呢一刻大家記住就好。」說完後唱出《再見不是朋友》。
5名舊Cookies隊友支持感高興
之後鄧麗欣坐在鋼琴前自彈自唱出《What Was I Made For》，到唱《陪著我走》時，大螢幕又播出鄧麗欣畫作，唱完後鄧麗欣向大家打招呼，並笑言因只開一場，所以台下全是認識的朋友，又謂對上一次開騷已是十多年前，所以有很多事想說，鄧麗欣感激大家成就她在舞台上做任性的事情，雖然在這些年成長得很多，也經歷了不少起跌，但回憶過去也可以淡然面對，現在的她很愛自己，所以希望大家也愛自己，又感激大家那麼多年也沒有放棄她。
講到有朋友遠道而來睇騷，鄧麗欣又再度哽咽，強忍淚水說：「今日我好叻，我綵排時喊到七彩，喊晒佢，我有意志力唔好喊，咁耐冇唱，喊就唱唔到，只係喊咗一首，唔緊要。」不過她笑言見到兒時照片就搞喊自己，又謂成長中有很多選擇，也可能選擇後會後悔，但其實並不需要後悔，因為每個人也是自己的選擇。之後唱出《不要離我太遠》前，鄧麗欣再次感謝歌迷的等待，希望自己的努力沒讓大家失望，並說：「我仲好鍾意唱歌！」Encore時，鄧麗欣表示很開心這次有5名姊妹來，之後螢幕影著台下的「餅碎」，她說：「好開心見到你哋，Elaine好耐冇見！」而鄧麗欣亦唱出《最後一塊》期間，區文詩亦感動落淚。
【點擊睇鄧麗欣開騷靚相】：
鄧麗欣完騷後受訪時指最擔心是會哭，因為無論在家中練歌或是真正綵排時自己也在哭：「唔知點解咁感性，可能啲歌過咗咁多年再唱，嗰種感覺係好大，一投入首歌度就會喊，好矛盾，最誇張係綵排時唱第一首歌已經喊。」提到唱《姊妹淘》時忍不住落淚，她指因為有已移民的朋友回來睇騷關係。對於今晚表現，鄧麗欣覺得好滿意，認為已超額完成，並指今次演唱會的類型是自己很想做，所以好滿足。
只開一場不夠喉想攻紅館
對於她在台上表示曾後悔，問鄧麗欣是否後悔揀錯人？她笑說：「又唔好咁敏感，人生有好多嘢會後悔，要學習無悔，因為當下選擇都有自己原因。」鄧麗欣指今次只開一場實在不夠喉，問到是否打算攻紅館，她說：「我相信喜愛唱歌嘅歌手，紅館都係一個夢，我自己都係，但相信一切都係一個安排，因為下年頭半年已經有好多電影安排，我都希望啲時間調得好啲。」對於楊愛瑾與吳雨霏難得同時出現，鄧麗欣說：「都係，都幾耐，所以我頭先望落去台下見到佢哋一齊，我都好感動。（約Cookies齊人食飯？）要，我哋都不定時約食飯。」
【其他文章】：
前Cookies成員區文詩瘦到見骨！身形薄如外賣膠刀 馬主廂房開餐再晒富貴生活
區文詩包房豪歎米芝蓮三星意大利菜 老饕級享受當造白松露 TVB小花皆是座上客
ViuTV 2024節目發布會丨朱茵靚樣重現Viu女神泳裝浸溫泉 鄧麗欣MIRROR最搶Fo
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
