劉鑾雄記者會丨大劉爆有人一支牙膏一張單分3次claim：再喺超市執單嚟claim

更新時間：17:21 2023-11-10
發佈時間：17:21 2023-11-10

富商「大劉」劉鑾雄今日（10日）突然宣布於下午3時30分在銅鑼灣舉行記者會，就近日內地網上的文章作出回應，部分文章聲稱大劉出現「遺囑風波」，財產分配出現變化，又涉及當年華人置業投資中國恒大債券後出現虧損後的影響。大劉會就五大傳聞作出回應，主要內容有關投資恒大虧損、甘比投資失利、遺囑風波及財產分配等。大劉回應時，更提到有人一支牙膏、一張單claim三次呃錢。

【相關閱讀】：大劉突然宣布今午開記者會！傳為澄清遺產分配傳聞

【點擊睇劉鑾雄記者會現場照片】：

大劉被記者問到：「佢啲仔女知唔知佢啲衰嘢？」大劉坦白說：「I really don't know！我真係唔知，佢好識洗腦㗎。以前有個伙計退休，我諗住畀筆退休金，又呃咗我幾百萬，後尾我知道條友根本無收過錢，呢啲咁嘅錢都偷嘅！好多呢啲咁嘅錢，一支牙膏、一張單都claim三次，呢句說話我作出嚟嘅話，我絕子絕孫，七個仔女養唔大啊！」

大劉：舞女最鍾意搵老襯

再被記者問到最近一個月有否更改遺囑時，大劉繼續爆料：「我早排一早分咗，我而家要再改，都要老婆執行我嘅意思，你聽唔聽得明啊？我而家自己乜嘢都冇！但係我相信我呢個老婆陳凱韻，叫我做乜我都會做。佢唔止牙膏claim三次，喺超級市場地下啲單，佢都執嚟claim，你估我唔知咩？（記者再問：你點知佢執單？）我哋會計部check單check得好緊㗎！即係你話買眼鏡，係咪你戴緊？佢最擅長係點呢？買咗個名牌袋之後，平價賣返出街。我記得40幾年前去夜總會，啲舞女最鍾意搵老襯。5千蚊買日本時裝，我就收返4千蚊現金，時裝舖就剩袋1千，40年前好興呢啲嘢㗎。」