萬聖節丨梁思浩千萬西貢獨立屋被工人姐姐變鬼屋！「發陰財屋」有利靈異發展越撈越掂
發佈時間：18:30 2023-10-31
現年56歲梁思浩入行多年，除《城市故事》中「洗米華」一角、電台節目《瘋show快活人》甚為經典外，他早年在有線主持的《怪談》更是深入民心，去年為TVB主持《通靈之王》亦大受歡迎，節目今年更添食拍第二季。來到萬聖節，身為「鬼王」的梁思浩亦唔輸蝕，不過竟然是家中工人姐姐發功，將獨立屋變成鬼屋！
【相關閱讀】：通靈之王2丨梁思浩開拍新一輯加人工請食飯 陳懿德自爆怕鬼拜神保平安
【點擊睇梁思浩獨立屋變鬼屋】：
梁思浩前日（29日）在IG難得貼西貢獨立屋豪宅，不過在藍色燈光下，氣氛竟然相當陰森，一間簡約設計的獨立屋竟然驚變鬼屋。梁思浩留言說：「超級可愛嘅工人姐姐，今晚返到屋企嚇咗一跳，我以為係聖誕節😱所以我問工人姐姐，佢竟然答我：『sir 🎃 Halloween. Are you Ghost of King👻 The house is Ghost Palace.（你係咪鬼王？間屋係鬼王宮）我即刻笑咗幾分鐘，工人姐姐真可愛，有癲嘅主人自然就會有癲嘅姐姐。」不過網民都紛紛大讚間屋好靚，又讚工人姐姐好有心思。
【點擊睇梁思浩揭中六合彩秘技】：
入行多年的梁思浩曾多次中六合彩，多年來無拍劇的他近年主力做主持，還經營甜品店生意，有指他賣甜品賣到身家暴漲。梁思浩2018年初以千萬購入西貢早禾坑兩層連天台獨立屋做安樂窩，《東周刊》曾報道指是「發陰財屋」，對從事靈異事業的屋主大大有利，難怪近年主力主持靈異節目的梁思浩越撈越掂，《通靈之王》還開拍第二季。
【其他文章】：
盤點16位藝人靚仔爸爸！梁思浩父高大威猛五官深邃 TVB小花爸爸年輕似陳百強
梁思浩晒清秀童年照櫻桃嘴瓜子臉 長文鼓勵窮孩子：也可貢獻社會
數你條命丨梁思浩成中六合彩常客罕揭秘技 爆神奇招重覆做一事可催運？
細數八位雙親緣薄藝人！電視先生未出生已遭父拋棄 亞姐37年不曾聯絡生父
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
