58歲邵美琪入行40年名導視帝齊祝賀！獲粉絲搞驚喜派對 羅嘉良：TVB欠你一個視后
發佈時間：15:20 2023-10-26
現年58歲的邵美琪（Maggie）在1984年報讀TV第二期藝員訓練班踏入演藝界，為了迎接她入行40周年，邵美琪日前與一班Fans進行見面會，fans們找來多位昔日與邵美琪曾合作的藝人為偶像送上祝福，在片中，羅嘉良大讚邵美琪非常敬業：「其實你真係好正，你係一個非常之實力派嘅演員，其實我覺得TVB欠你一個視后！」
【相關閱讀】：57歲邵美琪現身聚會變「𡃁妹」賣萌 凍齡有術滲少女味Fit爆近況曝光
【點擊睇邵美琪入行40年與粉絲聚會】：
邵美琪的fans事後在微博貼上多張見張聚會照並寫道：「Have a date with Maggie Shiu，這是一個你愛的偶像，她愛你比你愛她還要多的故事，微博十八宮格也放不盡她的美好。」當日邵美琪身穿白色恤衫襯淺色牛仔褲，再戴上粗邊黑框眼鏡，外貌多來都未有太大改變，與實際年齡更加是有很大分別！聽到fans們的歡呼聲，邵美琪一度被嚇到「行返轉頭」。見面會更播出了一段圈中好友為邵美琪送上祝福的影片，包括溫兆倫、曹永廉、杜琪峯、黃日華、任達華、林保怡、張兆輝等等，當中溫兆倫、曹永廉都曾與邵美琪演情人，拍片祝賀勾起大家不少回憶。
【點擊睇邵美琪昔日靚相】：
在片中，羅嘉良憶述當年與邵美琪合作的點滴：「其實你真係好正，你係一個非常之實力派嘅演員。我記得嗰陣拍《藍色風暴》，我哋兩個都好辛苦，拍完之後瘦咗好多，有一次喺廠拍完一場槍戰戲，拍完之後你喺榻榻米瞓着咗，周圍好嘈都嗌極醒。」他續說：「喺1998年我患上肝病，當時你同我講，叫我減壓，控制下自己嘅情緒，你嘅叮囑對我係好有幫助，我到而家都有記住，唔講咁多喇，希望你身體健康，樣樣都順順利利，其實我覺得TVB欠你一個視后！」邵美琪聽完「擰晒頭」，但都被好友的說話感動到眼紅紅。
【其他文章】：
邵美琪街坊Look蝦碌亂入向太買餸片 頻頻露面網民讚Fit求復出拍劇
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
