古天樂慶祝53歲生日視后影后星媽現身 古媽媽化身「利孝和夫人」切蛋糕
發佈時間：20:30 2023-10-16
下周六（21 日）是古天樂的53歲生日，過去3年因為疫情關係，古天樂未有與fans們好慶祝，直到今年終於可以再搞聚會，前晚古天樂在沙田舉行了一個盛大派對，筵開60席粉絲們提早慶祝，古天樂媽媽當然有份出席，切蛋糕的時候，古天樂膽敢稱媽媽為「利孝和夫人」，惹來不少笑聲。
【相關閱讀】：呢13位藝人原來已出道30年！女星4歲出道將做幸福人妻 型男TVB出身變影壇大亨
【點擊睇古天樂生日現場相】：
古天樂今年的生日會，邀請了不少前輩的藝人與及長輩們出席，當中包括胡楓、連炎輝、佘詩曼媽媽、吳君如媽媽、TVB廚后三姐（蕭秀香）、監製徐遇安和馮素波等等，馮素波事後亦貼上一張抱抱合照並說：「古仔，謝謝你，對我們的溫馨和支持，祝你生日快樂，萬事如意！」古天樂在台上恭祝大家身體健康並說：「嚟緊都會開番啲團拜，喺呢3年大家都經歷咗好多嘢，經歷要戴口罩嘅日子，《明日戰記》上映，《明日戰記》上映之後，多咗好多老婆。」
【點擊睇古天樂與媽媽合照】：
難得開金口，古天樂的話題滔滔不絕，他自爆每日都會在fans的討論區留言，但竟然發生了趣事：「我再講一次，我唔知點解你哋留言話出面有人話冒認我，咁你都唔識分？點解走嚟嗰啲，問我係咪AI？係咪AI答？之前有個小朋友話佢生日，問我可唔可以同佢講生日快樂，呢個都係我嚟，其實喺呢3年，我都有睇大家嘅留言，亦都有回覆，但係有啲直情寫信嚟畀我，係投訴我話點解『老公』唔理『老婆』？又問點解欺騙佢嘅感情？呢啲咪冇辦法回覆，咁係冇用㗎，疫情已經過去，一切已經過去，好好哋面對將來喇，OK？」
古天樂：我阿媽成個利孝和夫人咁
古天樂在生日會上亦有嘉許一班義工們，現場有兩頭醒獅走到古天樂面前送上旺氣和祝福，接着台下粉絲和席上賓客齊齊唱生日歌，不過個個唱到甩Beat，古天樂笑笑口說：「你哋睇下我阿媽，成個利孝和夫人咁企喺個蛋糕前面，等你哋唱歌，你哋唱到咁嘅？」接着古天樂邀請賓客們輪流上台大合照，至於生日願望，古天樂說：「最緊要係身體健康，大家珍惜眼前所有，珍惜每一天。」
【其他文章】：
52歲古天樂眉毛異常戚起被批不自然？ 現身直播間晒薯片串式簽名勁親民
古天樂去紐約出席電影節領大獎 酷熱天氣拍打戲飯都食唔落減肥一流
古天樂連任電影總會會長公開招募創意劇本開戲 獲選團隊投資420萬製作費
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
