廖碧兒拒談前度盧啟賢戀上張玉珊 本在以色列朝聖急轉機返港
更新時間：17:15 2023-10-15
發佈時間：17:15 2023-10-15
發佈時間：17:15 2023-10-15
字體大小
薛家燕、廖碧兒、李幸倪及曾樂彤等今日到山頂出席「乳健同行2023」步行籌款活動，與父母一同到來的廖碧兒（Bernice）剛於昨晚返港，身為基督徒的她指自己早前去了以色列約旦河附近準備朝聖及返學，不過當地突然發出紅色警示，幸最後在學校安排下於當晚順利離開：「上星期六去到當地，喺舉行音樂節嘅附近，已經掛咗紅旗唔畀入，我哋即刻走，同父母報平安廢事佢哋擔心，之後就去咗巴塞隆拿，不停搵飛機返香港。」廖碧兒指入行後一向很幸運，現時覺得身體健康最重要，至於找另一半，她就笑言不能強求。
提到張玉珊早前認戀其前度盧啟賢，廖碧兒指自己不在港所以不知道，不過因為這不關自己事所以不回應，最重要自己開心，問她與前度是否有聯絡？她說：「冇。（祝福佢？）最緊要大家開心同安全，特別呢幾年世界發生好多事，如果搵到身邊人更加開心，但自己都開心，因為同家人分開咗5年冇見，為咗同家人見面，6月有戲拍都推咗，留番7月同家人見面。」
《星島頭條》新網站有更多精彩內容：http://www.stheadline.com/
