炎明熹演唱會丨為尾場延期令fans失望不開心 承諾下一次開騷做得更加好
更新時間：12:45 2023-10-09
發佈時間：12:45 2023-10-09
發佈時間：12:45 2023-10-09
字體大小
炎明熹（Gigi）首個個人演唱會《炎明熹 Gigi Gi-Force演唱會》尾場原訂在昨晚（8日）於九展舉行，但颱風小犬襲港，故此尾場將會延期舉行。炎明熹昨晚在社交平台拍了一段聲音導航的短片，坦承今次有很多不足的地方，承諾下一次開騷做得更加好！
【相關閱讀】：炎明熹演唱會·圖輯｜Gigi短褲黑絲配貼身上衣戰鬥格勁歌熱舞 歌姬look最煞食
【點擊重溫炎明熹演唱會靚相】：
炎明熹在社交平台貼上首場演出的花絮片，留言感謝大家兼親自以聲音導航訴心聲：「我想同第2場嘅觀眾衷心講聲非常抱歉，因為颱風嘅關係，冇機會睇到我嘅演出。我都知道有好多朋友喺世界唔同嘅地方，專登飛過嚟香港睇表演，令到你哋我失望，其實我都好唔開心，因為我希望每一位朋友，每一位支持咗我咁耐嘅朋友，都可以睇到我第一次嘅表演。」
炎明熹每PART表演都深刻
炎明熹續說：「喺噚晚5 Part嘅表演入面，每一Part嘅印象都非常深刻，因為大家都畀到力量，其次都好多謝樂隊嘅老師們，同埋跳舞嘅老師們，畀到我一個咁好嘅諗法，然後亦都好多謝噚晚嘅嘉賓，就係大Gigi梁詠琪，因為我估唔到前排我唱咗Gigi嘅歌，例如《我鍾意》同《短髮》，之後我就有機會見到真人喇！真係非常之榮幸，亦都好開心。」
炎明熹承諾要做值得支持的歌手
最後炎明熹說：「雖然今次演唱會有好多地方都做得唔足夠，但係我好相信呢個係上天嘅安排，畀我有更加多嘅時間，準備好自己，裝備好自己，為我下一次開演唱會嘅時候，做得更加好！正如第一晚嘅演出，我喺台上講過，雖然我唔知道我嘅fans會陪我行幾耐，可以行幾遠，但係我會承諾大家，做一個值得你哋支持嘅歌手，炎明熹！」
【其他文章】：
炎明熹演唱會丨處女個唱登場！LED燈靚裙亮相閃爆全場 曾志偉楊千嬅譚詠麟送花籃
炎明熹閉關備戰演唱會緊張到手心冒汗 「Gi炎粉」疑被騷前cut飛嬲到要死諫
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
