JJ賈曉晨自爆與樊少皇關係陷邊緣狀態！每日諗離婚50次 要老公買包包𠱁
發佈時間：15:23 2023-09-16
賈曉晨（JJ）今日（16日）以代言人身份到西環出席美容店開幕，將於本月20日41歲生日的賈曉晨更獲大會送上蛋糕，笑言生日願望是越來越靚。賈曉晨指今次代言酬勞不錯，但就不願透露價錢，而她表示合作是要看長遠，因為該店在香港和內地也有分店。
【相關閱讀】：JJ賈曉晨疑進食「迷幻菇」中毒竟拒求醫 靠上網問人被寸爆：肯定無事
【點擊睇JJ賈曉晨靚相】：
近年一直在內地居住的賈曉晨指因工作關係暫時住在香港，但仍是香港、北京兩邊飛，而大女亦留在香港讀書。她又指生完二女兒後只拍過電影沒有拍劇，不過早前終於拍劇時，開工第一日細女便入了醫院：「可能要再大少少先至再拍，因為細女得兩歲好需要媽媽，我又唔係好放心交畀其他人，所以嗰陣拍劇日日都好擔心，拍劇用好多時間，唔似得拍電影咁時間短啲，對於我嚟講就好辛苦，日頭拍嘢夜晚湊BB，24小時唔使瞓，我覺得佢4、5歲左右，我就可以放低佢去做嘢。」
不滿樊少皇粗枝大葉
問到老公樊少皇是否有幫手湊B，賈曉晨就指對方要工作，至於現時與老公的關係，賈曉晨直指是邊緣狀態：「唔知結咗婚好耐，生咗BB嘅夫妻係咪都係咁？我曾經睇過一本書講一對結婚50年嘅夫妻，一日要諗50次離婚，我係100次想殺咗對方（樊少皇），我而家就係呢個狀態。（每日想殺佢100次？）101次！（成日激你？）梗係啦，我覺得男仔諗嘢比較粗線條，有時真係激到嘔血，例如尋日我要處理好多嘢趕住接個女，臨走之前遞咗啲嘢畀佢，但轉個頭佢都唔記得咗攞，大佬，我真係覺得好辛苦，我已經遞到去你隻手⋯⋯但其實係好小事，但每日經歷呢啲小事就有啲崩潰。」
賈曉晨又笑指現時每日諗離婚50次：「嬲吓，發洩吓咪完囉，我老公脾氣都幾好，講完就算。」她又表示雖然老公不懂𠱁人，但做錯事後會買手袋𠱁回她，提到她即將生日，賈曉晨就直認已經叫老公送禮：「梗係包包啦，包包可治百病，我都冇咩追求。」
香港內地俱買下物業
賈曉晨指老公從來沒有要求離婚，更自爆樊少皇所有物業也是寫她的名字：「如果佢離婚會好辛苦，邊個好似我咁幫佢做咁多嘢？同埋所有樓都係我個名，佢好蝕。（有幾多層樓？）幾多層就唔講，總之唔少，香港大陸都有，其實我之前嘅興趣就係賺咗錢買樓，因為我唔識做其他生意，所以覺得呢個穩陣啲，呢個都係佢唔離婚嘅好大原因。」至於問到生日會如何慶祝？她謂本來想搞派對讓女兒玩，不過經理人指到時可能會跟陳百祥一起吃飯，賈曉晨稱在新年時見過對方後亦沒有再見過面，也很掛住他們。
【點擊睇賈曉晨與老公樊少皇】：
【其他文章】：
JJ賈曉晨再寸老公樊少皇EQ低冇幽默感 再惹網民揣測婚姻亮紅燈
JJ賈曉晨與樊少皇再傳婚變 深夜發文訴苦後刪Po：流了很多眼淚
JJ賈曉晨大女一舉動令樊少皇面紅 網民觀察小飯兜遺傳媽媽美貌
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
