肥媽親回被指曾為JPEX宣傳強調無懼苦主尋仇：我叫人返學咋

更新時間：19:30 2023-09-15
發佈時間：19:30 2023-09-15

香港證監會早前發表聲明，指虛擬資產交易平台「JPEX」屬無牌經營。張智霖去年為JPEX拍攝廣告，林作亦於今年7月公開表明「已經申請成為『JPEX合伙人』」，惟二人已相繼割蓆，而事發後網上即瘋傳一份KOL合作名單，當中包括肥媽（Maria Cordero）、莊思敏等，甚至有自稱是苦主的網民，揚言計劃向相關KOL「尋仇」！《星島頭條》向肥媽查問事件，並親自回應與JPEX有關傳聞。

【相關閱讀】：林作就JPEX事件到警署提供資料強調「無直接關係」新店月租26萬停業損失慘重

【點擊睇肥媽談加密幣】：

去年自爆曾炒燶科技股慘蝕5,000萬的肥媽，今日（15日）透過短訊回覆《星島頭條》，被問到可曾為JPEX宣傳？她立刻澄清：「我從未幫過JPEX宣傳，都唔關我事，我都係呢兩日先知JPEX原來係冇牌。」提到曾為加密貨幣教育學院「CryptoPARD加密豹」拍片，盛傳旗下找換店與JPEX關係密切，昨日（14日）旺角及尖沙咀分店被指均無營業，肥媽一再強調：「第一，我又冇同JPEX做過咩嘢，第二，『加密豹』同佢嘅關係我唔知，我淨係叫人哋返學，因為我返過學，我學到嘢，我叫人返學咋，我冇叫過人買嘢喎。因為個學費佢減幾千蚊畀我，我覺得幾抵學咋，我叫大家返學學嘢咋，請搞清楚。」

不過，肥媽坦言目前仍持有虛擬貨幣，但非JPC幣（JPEX交易所發行之平台幣），故暫時未有任何損失，更謂：「個貨幣買嗰時平，所以我又賺咗啲。」那麼可擔心誤遭有關苦主尋仇？她淡定回覆：「我同JPEX係零關係！係冇關係！所以我唔擔心。」