前天堂鳥Gordon葉泓聲宣布囡囡出世向陳樂榣發表愛的宣言：我愛你老婆

即時娛樂

更新時間：15:23 2023-09-07
發佈時間：15:23 2023-09-07

現年33歲的前天堂鳥成員葉泓聲（Gordon）今年5月無預警宣布婚訊，自爆跟咖啡店合夥人、前女子組合Freeze成員陳樂榣（Ally）未婚懷孕，一向鍾意小朋友的Gordon坦言既期待又緊張，今日（7日）他終於正式榮升爸爸了！

【相關閱讀】：葉泓聲透露陳樂榣陀B女預產期9月獲未婚妻囡囡叫Father冧到爆

【點擊睇Gordon囡囡】：

Gordon下午在社交網貼出一家三口合照，並透露陳樂榣於今日順利誕下囡囡：「終於等到你出世啦，真係好感動、開心、興趣（奮），我都形容唔到我個心情，我只係想多謝我老婆 @allychanlokyiu，你真係好偉大，好叻！頭先我真係好心痛，我愛你，老婆，辛苦晒你啦，之後嘅嘢交畀我啦。」相中所見，Gordon亦有份落手剪臍帶，愛女面在脹卜卜份量十足，仲皺晒眉頭，非常可愛，一眾好友及網民都紛紛送上祝福。

2010年組合Freeze解散後，陳樂榣轉戰商界成為女強人，起初開設畫室教學生繪畫，後來投身鑽飾行業，2020年更斥資過百萬開設自家品牌首飾店，升呢老闆娘。早於2012年，陳樂榣與圈外商人男友Donald拉埋天窗，2015年誕下囡囡Aria，惜去年自爆單方面申請離婚。直到今年初，陳樂榣與Gordon及友人合資7位數在大坑開設咖啡室，二人日久生情，由生意拍檔發展成情侶，Gordon表示雙方理念和人生目標一致，亦自覺是時候成家立室，故生B是計劃之內，婚禮將在BB出生後才補辦。