黃美棋獲男友鍾健威求婚！宣布明年結婚拍拖11年家人多位圈中好友見證

更新時間：05:15 2023-08-22
發佈時間：05:15 2023-08-22

黃美棋／結婚／鍾健威｜將踏入34歲的的黃美棋昨晚（21日）在IG宣佈喜訊，日前在預祝周五34歲生日的派對上，黃美棋獲得男友鍾健威（Ray）求婚，明年黃美棋將年榮升鍾太。由於黃美棋與鍾健威皆是圈中人，除了家人外，今次生日會上還有多位藝人出席，包括楊潮凱、朱智賢、林奕匡與太太李靄璣等，見證鍾健威向黃美棋求婚成功。

黃美棋｜點擊睇黃美棋獲求婚：

黃美棋｜鍾健威搞為黃美棋舉行驚喜派對

黃美棋與鍾健威拍拖長達11年，今次鍾健威趁住黃美棋將於8月25日生日，提早為女朋友搞生日Party，請來雙方的親朋好友，包括藝人楊潮凱、林奕匡與老婆李靄璣、朱智賢、林秀怡、劉明軒等出席見證下，向經過11年愛情長跑的黃美棋求婚成功。相中見黃美棋見到男友求婚忍不住爆喊，而鍾健威則為黃美棋戴上戒指，場面感人又溫馨，幸福滿瀉。

黃美棋｜IG寫情書署名未婚妻

黃美棋在IG向未婚夫鍾健威撰寫情書，第一句就透露將會在明年結婚：「我哋出年真係結婚啦💍❤️」又多謝未來老公的悉心安排今次的生日會，從找地方、聯絡家人朋友、佈置安排等全都一手包辦。黃美棋文中還大爆求婚詳情，在生日會切蛋糕的一剎，鍾健威安排氣球帶着戒指飛到她身邊，而今次的安排亦是因為黃美棋昔日曾說過好得意。

黃美棋IG全文：

Dear 未婚夫 Ray :

我哋出年真係結婚啦💍❤️
多謝你為我安排嘅呢一個驚喜party 🙈
原本無諗過要特別攪生日…
所以見到d朋友同屋企人果下真係好感動🥲
到咗切蛋糕嘅時候，竟然仲有一個神秘嘉賓🕊️
果下真係真係好開心亦都好感動，因為你竟然安排咗個氣球帶住隻我地隻求婚戒指飛埋嚟🙈🙈
我無諗過你會記得我講過好得意…好鍾意😆😆
一晚入邊喊咗幾次🥹🥹
但係全部都係幸福嘅眼淚🥰
好多謝大家對我地嘅寵愛…
我真係覺得自己好幸運
好幸福…成長嘅階段，分別遇到身邊嘅每一位❤️～
我切蛋糕嘅時候…手都震埋
心入邊諗…點解我咁幸福…
所有屋企人、好朋友、重要嘅朋友都好錫我…
我心入邊默默祝福你地每一個都要身體健康，事事順心☺️
人大了，已經唔係好在乎自己幾歲…
重視嘅身邊嘅人過得開唔開心
健唔健康😊
未婚夫，多謝你嘅精心安排🥰 我哋終於唔使守秘密啦😂
多謝你安排咗呢個咁難忘嘅生日俾我，多謝你由搵地方、偷偷聯絡我嘅屋企人、朋友、買花、搵decor佈置、安排座位、扮做野出去先，今次樣樣都完美無瑕，我真心要俾個叻你👍🏻
今次你係勁嘅🥳🥳
冇乜特別嘢可以報答你，
只能用我嘅餘生去繼續煩死你😂
以後我地要繼續相親相愛😘
繼續去創造屬於我地嘅未來❤️