TVB小花江嘉敏自爆與「新歡」發展到同居階段努力工作肩負養家重任

更新時間：13:05 2023-08-15
發佈時間：13:05 2023-08-15

28歲TVB小花江嘉敏曾因身形暴脹被TVB高層勒令減肥，去年與拍拖三年的電競公司高層Anthony分手，Kaman出Post暗示對方「出軌」兼嫌棄她的短髮造型！仙氣盡失的江嘉敏女神，終於努力收身，總算成功回復巔峰狀態！日前江嘉敏在社交平台貼出捧住一大束玫瑰的照片並稱：「一星期送一紮花，寵壞咗我！」旋即傳出疑似有新戀情，直到昨日江嘉敏親自解開謎團！

【相關閱讀】：28歲江嘉敏傳忽然富貴有新戀情孭7萬Hermès袋冧收玫瑰：感恩身邊都是浪漫的人

【點擊睇江嘉敏晒新歡合照】：

江嘉敏又貼了一張收花相，相中見到江嘉敏大晒玉背兼CHANEL耳環，她留言說：「個個都關心我係咪有新戀情，好啦，我而家公布一個喜訊俾大家知，我拍拖喇，仲發展到同居階段添！」原來江嘉敏的新歡叫Mochi：「鍾意踢波，係parkour愛好者，不過我BB話人生咁短暫，所以佢主張要努力享受貓生，佢日日食完就瞓，瞓完就跑，跑完再食，係絕對唔會用貓生一秒鐘去工作，所以養家呢個重任就交咗係我身上。冇咩事我返出去先啦，我BB呼喚緊我⋯⋯喵～」

單身了一段日子的江嘉敏，日前忽然於IG晒花並寫道：「買花給你的人，本身比花更浪漫，感恩身邊都是浪漫的人，一星期送一紮花，寵壞咗我，而家條Curve拉到咁高點算好？」相中，穿上掛頸連身短裙的江嘉敏，冧爆捧着一大玫瑰，不只一班網民睇到「嘩嘩」聲，連圈中好友譚嘉儀、黃建東等都嘆又Sweet又羨慕，準人妻「阿七」吳嘉儀更似乎察覺到異樣：「咦，好事近。」不過，江嘉敏卻未有回應對方，只在帖文中Hashtag「沒有被求婚」。

忽然富貴全靠努力工作

不過江嘉敏身上的行頭似乎更為吸睛，收花當日孭了一個近7萬的粉紅色Hermès Roulis 23手袋，翻查IG近日亦不時大晒名牌手袋及首飾，包括Chanel、Dior、Balenciaga及Loewe等，其中Hermès Evelyne 16約2萬元、Lady Dior約5萬元、Chanel 23P Classic Flap Top handle約4.38萬元，估計總值超過20萬。事後江嘉敏回覆傳媒，指Hermès Roulis 23手袋是自己辛苦工作儲錢買的，絕非「忽然富貴」，且該手袋已用一段時間，更笑言若有20萬只會投資定期或買保值手錶。