區文詩約Cookies姊妹歎上門廚師發辦日料理曝光千呎豪宅飯廳擺設突顯奢華品味

更新時間：12:40 2023-08-13
發佈時間：12:40 2023-08-13

前女子組合Cookies成員區文詩（Angela）淡出娛樂圈後，雖然已鮮有踏足幕前工作，但仍一直活躍於社交平台，其中最為網民關注是她的富貴生活，不但經常坐遊艇出海、周遊列國豪食豪玩，更不時約親朋好友到其西半山豪宅歎美酒佳餚，近日她又宴請好姊妹鄧麗欣（Stephy）及吳雨霏（Kary）到家中作客。

【相關閱讀】：鄧麗欣晒4千呎豪宅無敵海景！巨廳夠幾十人聚會舊愛曾於寬闊天台打卡

【點擊睇區文詩豪宅】：

區文詩昨日（12日）於社交網貼出聚會照，識歎三人今次特別叫了「Homemakase」，體驗上門廚師發辦高級日式料理。私下廚藝了得的區文詩，一向對擺盤、餐具都非常講究，家中備有各式各樣如藝術品般的碗碟，相中所見，雖然廚師本身都準備不少和式靚碟，但為隆重其式此次聚會，她都特意在餐桌上擺上鮮花及靚餐具作點綴，當中亦可見靠牆位置擺放了畫及書籍，突顯個人品味。而剛拍畢新片的鄧麗欣與吳雨霏均以淡妝現身飯局，不少網民都大讚三人越成熟越美麗：「三位美女」、「妳哋好靚女」、「3個變得好似樣，果然forever friend」。

區文詩自2003年被唱片公司淘汰而離開Cookies後，一直未有放棄歌唱事業，她曾到香港電台做DJ，又曾在Youtube頻道拍攝煮食片，以及演出舞台劇。雖然區文詩星運平平，但據了解她多年來投資有道，目前住在西半山年豐園過千呎頂層連天台單位，平日以保時捷跑車代步，更擁有多個Hermès手袋，過着富貴生活。