獎門人丨林夏薇Bar Top上陣演繹「十號風球」搖來搖去 張曦雯扮便秘勁神似
發佈時間：15:12 2023-08-12
TVB特備節目《獎門人開心Party感謝祭》於今晚（12日）播出，今集「獎門人」曾志偉帶領「獎老」錢嘉樂、阮兆祥、金剛、麥美恩和林秀怡擔任主持，兩隊嘉賓陣容來自兩線熱播劇《寵愛Pet Pet》和《破毒強人》，《寵愛Pet Pet》隊有林夏薇、周嘉洛、徐榮、黃子恆、古佩玲和何沛珈，《破毒強人》隊有陳豪、蕭正楠、何廣沛、張曦雯、郭柏妍和朱智賢。一眾主持今集以hit爆Barbie造型亮相，搞笑又搶眼。
【相關閱讀】：破毒強人丨郭栢妍短裙OL Look妙招坐電單車晒美腿 喝令何廣沛成新一代「黑面女神」
【點擊搶先睇今晚獎門人】：
今集「開心無敵傳紫菜」搞搞新意思，除了傳紫菜，還會傳藝人照片，其中傳到金剛的照片時，蕭正楠搞鬼地將照片掉在地上並狠狠地用腳踩，惹來金剛投訴：「點解要咁對我，我都仲未『屎』，你唔可以咁踩我！」場面搞笑。之後金剛獲安排與錢嘉樂、阮兆祥傳紫菜，被金剛Chur爆的錢嘉樂眼泛淚光，相當可憐。
今集有新遊戲「開心無敵一齊吹」登場，每隊各派出一名隊員出賽，鬥快將管中物件吹進對方口中為之勝利。蕭正楠決戰徐榮時，徐榮不用一秒鐘便將水曱甴吹進蕭正楠口中，被嚇窒的蕭正楠咬着水曱甴呆站原地；陳豪決戰周嘉洛同樣有睇頭，好勝的陳豪吹到「紅到面晒」，最後成功將蟬吹進嘉洛口中，向來玩得的嘉洛更直接將蟬食落肚，相當犀利。
是集雲集一班好戲之人，玩「開心無敵以訛傳訛」時大晒好演技！當中視后薇薇演繹「扯線公仔」和「十號風球」時相當神似，睇到大家拍爛手掌。之後周嘉洛大放笑彈，扭身扭勢兼拉高上衣演繹「脫衣舞孃」，表現搶鏡；張曦雯則拋低女神包袱扮「便秘」，場面搞笑。「開心無敵口噏噏」同樣爆笑連場，輪到嘉洛估時，他竟連極度翹口的「奶奶拉筋拉親條肋骨，唔知飲碗雞龜湯嚟做乜」都估到，簡直神乎其技。
【其他文章】：
破毒強人丨33歲張曦雯緊身白Tee騷曲線美 完勝25歲小花郭栢妍OL Look
獎門人丨J2女神黃紫恩胸前離奇現水漬 懶理靚樣張「血盆大口」啜乒乓波
日本限定Super遊丨余思霆顛簸雪地展動感身材逐格睇！ 上位小花浸溫泉美腿盡現
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
