湯怡兩歲愛女麥QQ讀名牌幼稚園做天后囝囝小師妹入學識做一事勁叻女

即時娛樂

更新時間：17:30 2023-08-11 HKT
發佈時間：17:30 2023-08-11 HKT

現年35歲湯怡與43歲麥秋成2021年初宣佈閃婚，同年6月誕下囡囡「麥QQ」麥紫喬，小朋友已經兩歲大，仲話咁快已經要返學。湯怡昨日（10日）在社交網貼出囡囡穿上校服的照片，梳起兩條孖辮的她，非常可愛，亦沒有因為要離開父母去返學而扭計。

【相關閱讀】：湯怡兩歲囡囡麥QQ厭世樣陪阿媽嬉水不慎跣低險做出一字馬

【點擊睇「麥QQ」返學】：

在湯怡分享的照片中，麥QQ表現醒目，識得自己搵儲物櫃放書包，留言：「感動又感觸，唔經唔覺紫喬返學了，好記得我細細個嘅時候，成日痴（黐）住袁媽媽，屋企範圍外，只要媽咪唔喺我視線之內，就會喊到拆天（因為我覺得媽咪唔要我），最經典係升小學一年班喊足一個月，細個極度缺乏安全感（又或者係分離恐懼症）嘅我，而家會明白鼓勵紫喬行出第一步嘅重要性，細膽我地（哋）就比個膽你，我地（哋）一齊學習，學嫲嫲話齋，呢條路由你自己行喇 #跟你一樣笑得燦爛 #辛苦媽媽了」。

麥QQ入讀的為國際英文幼稚園暨幼兒園（St. Catherine's International Kindergarten），是不少圈中人安排仔女入讀的名牌幼稚園，包括胡杏兒剛幼稚園畢業的大仔、羅力威與雨僑女兒、天后陳慧琳（Kelly）兩個囝囝、林文龍女兒林天若、郭羡妮女兒、文頌嫻女兒、王浩信與陳自瑤女兒王靖喬等等。而麥QQ入讀的學前班（N班）全年學費逾8萬元，湯怡與麥秋成可謂對囡囡用心栽培