姜濤演唱會丨毛舜筠帶兩女睇騷自爆全家是姜糖 22歲細女有氣質飄星味

更新時間：21:50 2023-08-06
發佈時間：21:50 2023-08-06

MIRROR成員姜濤在亞博一連四場的個人演員會昨晚（5日）圓滿結束，尾台上邀得姜濤偶像「小豬」羅志祥做嘉賓外，昨日台下更是星光燿燿，有一向愛錫MIRROR的鄭裕玲、《愛．回家》的馬海倫、李芷晴、鍾晴睇騷外，還有MIRROR「御用阿媽」毛舜筠帶同兩個囡囡一同欣賞姜濤演唱會！

【點擊睇毛舜筠帶愛女睇姜濤】：

毛舜筠在IG貼出跟兩個囡囡與姜濤的合照，留言說：「仔，知道你必定為了今次的演唱會下了很大的努力。你的歌聲和舞蹈表演，都給大家帶來震撼和驚喜👏非常享受的一個晚上🎉」還在hashtag透露「一家人都變成姜糖（姜濤粉絲）」。不少姜糖都留言多謝毛舜筠繼續支持姜濤：「毛姐恭喜你的女兒和阿仔都係俊男美女，多謝你支持姜濤。」、「多謝毛姐愛錫姜姜❤️，仲帶埋兩個女來欣賞姜濤表演🎤！」、「毛姐會唔會煮大餐畀姜姜食呀？佢好為食㗎！」

毛舜筠在1994年與電影導演兼美術指導區丁平結婚，婚後先後誕下兩個女兒，27歲的區令山和22歲區亦山。照片見毛舜筠兩個女兒長得亭亭玉立，同樣打扮相當隨性，不過似乎有預先襯過，同樣着上淺藍色牛仔襯，而大女區令山則以軍綠色露腰裝作內搭，細女區亦山則着上軍緣色長褲。兩個囡囡中，細女區亦山長得比較像媽咪毛舜筠，還頂着一頭短曲髮，非常有個人風格。

大女男友已融入家中

毛舜筠去年在電影《阿媽有咗第二個》飾演柳應廷（Jer）經理人媽咪，在戲中成功捧紅姜濤；又在《過時．過節》飾演呂爵安（Edan）阿媽，因而被鏡粉封為「御用阿媽」。其實毛舜筠的家庭觀念相當重，在其社交網不難發現與家人聚會的相片，還會一起旅行，早前毛舜筠亦再次分享全家福，更見到由一家四口變成一家五口，事關大女區令山的男友Andrew亦有並列！

【其他文章】：

金像獎2023丨毛舜筠爭影后落敗拍《情聖》因「裝假狗」耿耿於懷愛情至上為家庭甘願淡出

毛舜筠稱藝人總會遇到高低撐MIRROR成員各有特別之處：是取代不到

毛舜筠激罕晒阿媽合照勁似粵劇名伶連阿女都話：喺機上被人誤會係明星

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ