李施嬅遭流浪漢奇襲！突然爬上車坐隔籬直呼恐怖：嚇到成個人震晒

即時娛樂

更新時間：16:30 2023-07-29
發佈時間：16:30 2023-07-29

42歲李施嬅上月中由香港飛回美國洛杉磯，未料起飛時客機疑尾轆故障，需緊急煞停折返，更有多名乘客逃生期間受傷，過程驚險萬分，幸她最終並無大礙。未料才相隔一個月，李施嬅今午（29日）於IG拍片自爆再遇恐怖事件！

【相關閱讀】：國泰客機故障｜李施嬅遇飛機事故釀18傷驚爆撞《金宵大廈》情節網民嗌癲

【點擊睇李施嬅恐怖事件】：

身在洛杉磯的李施嬅拍片親述被流浪漢突襲經過，指今日與兩個朋友駕車去美國豪宅區比華利山買咖啡，當時兩個朋友坐前排，自己則獨自坐後排，未料一名流浪漢忽然衝上車坐在她旁邊，她猶有餘悸說：「我唔識反應，我喺度諗係咪應該衝出架車叫救命，但我驚會刺激佢襲擊我朋友，最終我決定唔出聲同唔郁，好似透明咁，希望佢見唔到我，我捉緊個電話，希望佢唔好搶我個電話。」

嚇到成個人震晒

李施嬅續指，其中一個朋友向流浪漢表示此車非Uber，並請對方落車，惟流浪漢隨即詐傻：「佢話係咩？我朋友就話如果你再唔落車我哋就會報警，跟住佢話你哋唔會囉。嗰時我係震晒，又唔敢郁，但我朋友就好醒，將所有玻璃窗校低，再攞起電話話報警，個流浪漢先肯落車，我覺得嗰兩分鐘好似一個鐘頭咁耐，係成個人震晒好恐怖。」最後她提醒大家，上車一定要鎖門、提高警覺性及留意周圍可有奇怪的人。

在帖文中，李施嬅又表示好在有驚無險，但至今亦難以置信：「Still can’t believe this happened in #beverlyhills . @nicolewchau and I were so scared, thankfully we had @christy_rr with us who attempted to call the police.（我仍未能相信在比華利山發生這種事，Nicole和我都好驚，感恩我們有Christy，係佢試圖去報警）」一班網民都叫她小心。