周吉佩同前港姐老婆水中激吻放閃！ 曾自爆結束七年分房瞓生活 同牀反而唔慣
發佈時間：20:30 2023-07-11
周吉佩（吉吉）自成為《中年好聲音》冠軍人氣急升，工作不斷，還開設音樂教室教唱歌。周吉佩曾在訪問中透露，與前港姐太太黃彥欣自大女出世後，已經分房瞓長達七年，不過他獲獎得接受訪面，透露已經結束7年多分房瞓局面，更開心自爆：「夫妻關係有昇華。」最近周吉佩忙裏偷閒，與太太和一對子女去酒店staycation放假，更大方放閃夫妻在水中擁吻！
【相關閱讀】：周吉佩自爆與老婆分房瞓七年 新婚連詩雅發現重點：仲可以製造到細佬
【點擊睇周吉佩放閃】：
周吉佩最近接連在IG晒出多張一家四口去staycation的照片，其中一輯是一家四口在泳池玩水，夫妻更在泳池中攬實激吻大放閃光彈！周吉佩還大方分享靚靚前港姐老婆黃彥欣的泳裝照，見周太雖然已是一子一女之母，但着上泳衣的她身材依然fit爆，一家四口玩得非常開心。
網民都被周吉佩閃到盲：「好閃好閃，閃盲我啦！」、「晒死人咩」、「周太好靚，一家幸福寫滿臉😍」、「幸福啊，事業婚姻兩得意」。蝦頭也留言說：「So sweet❤️😍」最近參加《中年好聲音2》海選的洪杰也留言：「係嘞！咁就岩嘞！叻仔👍🏻快啲啦！」似乎想追吉吉快啲生多個！周吉佩今日又分享去水上樂園玩的照片，更透露碰到《中年好聲音》芏車婉婉：「2日1夜實在唔夠喉，小朋友開心到走時有失落感……最開心係撞到車婉婉❤️」
周吉佩今年4月自爆與太太分房瞓已經長達七年，他接受「蝦頭」楊詩敏與連詩雅《絲打圍爐》的訪問說：「我同我老婆分瞓房七年，好慘啊！我要投訴！因為我太太生咗小朋友後，母性突然大爆發，完全skip咗我，將我啲被鋪掉去間細房，要我自己瞓，佢同小朋友瞓；由嗰日開始分房瞓到今日，七年幾。」不過周吉佩得到《中年好聲音》冠軍後，接受訪問指已經結束分房瞓的局面，還笑說：「分房7年，而家兩公婆同牀反而有啲唔慣，因為自己反瞓，成日嘈醒吉太，哈！但佢就好鍾意我啲鼻鼾聲，話好有安全感喎。」
【其他文章】：
周吉佩工作大增跑數達標對嬌妻有交代 有傳訊息慰問李思琳未獲回覆
周吉佩助情緒病歌迷重生感動爆喊 興奮自爆結束7年夫妻分房瞓局面
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
