鄧麗欣帶媽咪澳門追星睇演唱會自爆口臭唔敢入後台搵張學友影相

更新時間：10:00 2023-07-06
發佈時間：10:00 2023-07-06

鄧麗欣（Stephy）近日忙於拍攝電影《我談的那場戀愛》，日前趁有空檔，便做孝順女帶媽咪到澳門一日遊，兼欣賞偶像張學友的演唱會。昨日（4日）她在社交網貼出與媽媽遊澳門的合照，相中見二人一同戴上黑超猶如姊妹，並大歎澳門美食。

【點擊睇鄧麗欣澳門遊】：

鄧麗欣日前已貼出欣賞張學友演唱會的照片，留言說：「只有看他的演唱會，我先會瘋狂叫到聲沙🤭實在太有型太好聽太好睇喇！期待香港站❤️ #又十年聽到喊 #點解個側面好似有d似樣 #粉絲mode啟動」見鄧麗欣站在背景板前打卡留念，還坐在頭排睇騷，不過未有見她入後台與偶像張學友合照。

昨日鄧麗欣再在IG貼文親解原因，相中見她拎住一杯貓山王雪糕，非常享受，鄧麗欣笑說：「講個秘密你知，其實我去睇張學友演唱會之前，食咗貓山王雪糕。好彩冇得入後台搵佢影相，如果唔係我一定會同佢講，我真係好💨鍾意聽💨你唱💨歌㗎！💨」原來是怕榴槤味臭到張學友，有粉絲留言笑說：「唔好唔記得要飲埋可樂」，相當搞笑。

【其他文章】：

鄧麗欣｜Stephy意大利自駕遊晒靚相仲推介一恩物揸車要隨身

鄧麗欣Keep住110磅勤操背肌著露背衫林家棟一周做4日Gym最緊要線條靚

鄧麗欣血拼自我獎勵找卡數心痛何嘉莉不捨大仔英國遊學兩周眼濕濕

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ