全民造星V丨伍詠薇擔任評判出場疑遭人用七個字「柴台」 44號白水憑得意眼獲熟女厚待

更新時間：17:00 2023-05-17
發佈時間：17:00 2023-05-17

ViuTV真人騷《全民造星V》昨晚（16日）播出第二集，雖然過往曾擔任《造星》系列監製的花姐（黃慧君）退任監製一職，改由許敬麟出任，不過花姐依然「總顧問」的身份主大局！今集開始進行第一輪淘汰賽，以抽籤形式決定出場表演次序。94位參賽者將會淘汰34人，餘下的60人將會晉身第二回合，首輪位評審包括有伍詠薇，著名唱片監製Edward Chan以及著名導演陳詠燊，不過當強尼介紹伍詠薇時，本來影住94位參賽者拍手的畫面突然傳出一把聲音：「點解佢又係到嘅？」莫非不滿出任評判？

【相關文章】：全民造星V丨花姐卸任監製因節目已經冇意義 Jay Fung不忍阻人追夢遭反問：定係辭職呀?

【點擊睇《造星V》白水得意眼】：

今集被抽中出場的參賽者分別13號Tiger Foo（符紀男）、66號Howard （馮竣灝）、44號白水（梁偉泉）、17號Hayson（郭澧義）以及來自北美的92號Marcus，其中Howard和白水直接晉身60強。雖然白水在面試時被花姐彈慢半拍，不過讚他有魅力，要學習說話，改善表達能力。而今次白水的表演項目是跳舞，事後被評判之一的伍詠薇「派心心眼」，她直說：「我鍾意你㗎，因為你隻眼睛係『得意仔』眼晴，點解唔好好利用眼睛配合舞步？我覺得你揀啱歌嚟比賽，隻歌好型呀！」白水隨即揸緊機會，即時向伍詠薇「放電」，伍姑娘冧爆地按藍燈，結果陳蕾及陳健安成功搶白水入紅組。

92號Marcus選唱側田的《運》，笑容與導師之一的馮允謙有點相似，但可惜表現亦未如理想，評判Edward說：「好想搵個位畀分你，其實呢首歌真係唔易唱，聽得到係某啲音域同元音位置，你把聲係幾好，但我比較唔鍾意你處理方法，你太震呀，有一個好似喺K房聽人唱歌，我好難畀分數你。」陳詠燊反而讚他的笑容親切有陽光，最後他僅得一盞藍燈，要在復活區等候。