沈殷怡遊泰國心口窿仔透線勁誘人　36C爆乳水着Look掀網民騷動

更新時間：17:00 2023-01-26 HKT
發佈時間：17:00 2023-01-26 HKT

ViuTV女神沈殷怡（Shirley）2020年憑節目《美女郊遊遊》以泳裝大晒36C噴血上圍而彈出，身材Fit到漏的她不時於社交網貼性感照大晒天賦本錢，近日趁住農曆年假期，她便出走泰國布吉過一個火辣辣新年，其間不忘Keep住更新IG Story狂晒逼爆水着Look，掀起網民騷動！

【點擊睇沈殷怡噴血泳衣照】：

年初三，沈殷怡第一炮於IG貼出吊帶小背心照，並留言：「初三赤口，我都係合埋個口先。」相中食緊杯裝雪糕的她露出甜笑，其身上的小背心更古惑地於胸前穿了個洞，令深長事業線若隱若現，非常誘人，成功引得一眾網民激讚：「你真係好靚」、「身材勁好」、「肥肥地好正」、「張相都熱辣辣啊」、「邊有人會赤口你，一見你就識笑啦」。

然而好戲在後頭，沈殷怡連日於IG Story分享出海靚相，除了行到邊食到邊、瘋狂晒美食照外，日日同陽光玩遊戲的她興奮笑謂：「黑咗200度，但係開心200分。」自言向來不喜歡水上活動的沈殷怡又謂：「不知不覺間已經比（俾）痴鬼線公司訓練到基本上好多嘢都試過學過玩過，多謝公司令我獲益良多……」可能人在外地特別放鬆，沈殷怡拎住部手機由酒店牀邊一路Selfie到海中心，性感解放4吋事業線任睇唔嬲，而今日最新一則仲有美腿放題，索爆！

【其他文章】：

48歲楊千嬅淡妝現身網民驚訝皮光肉滑疑似P圖過勁撞樣李彩華

黃心穎34歲生日晒一家五口合照餅印父母正面曝光場面溫馨

Dada陳靜9歲姨甥女水汪大眼飄仙氣強大基因撞晒樣遭網民質疑：你個女？

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ