胡諾言突晒遊日照透露新動向惹揣測 親回離巢TVB定移居：我飲水思源
發佈時間：21:00 2023-01-02
胡諾言昨日（1日）突然於IG上載在日本街頭拍的照片，並留言：「新一年嘗試跳出安全區域，展開人生另一旅程，多謝一路給予胡生機會嘅所有朋友。」更透露接下來就本人負責所有工作安排，有網民估計他離巢TVB，亦有網民留言問：「係咪移居日本？」
【相關閱讀】：叱咤2022丨鄭裕玲Do姐離巢TVB後首登叱咤頒獎台 言論惹全場起哄：ViuTV要拍得我靚啲
【點擊睇胡諾言回應離巢TVB傳聞】：
胡諾言今日（2日）回覆《星島頭條》記者查詢，親自回應網民各種揣測：「確實同公司轉咗個新合作形式，都多謝公司嘅，雖然好似好老土……但係亦都係真心講出呢番說話嘅。因為咁多年嚟公司都栽培咗我，又令到我有個美滿嘅家庭。」他透露會繼續為TVB工作，亦會繼續做《流行都市》主持，自認是個飲水思源的人：「公司幫咗我好多，只不過希望人都要成長，咁多年……自己又成家立室之外，都希望可以接觸多啲出面世界係點樣。」他表示與TVB已達成共識，亦得到TVB的支持。
而未來的工作安排，他除了會繼續接拍影視作品，亦都希望往國內發展登台等。至於有網民看到他的遊日照，以為他要移居日本，他表示：「一啲唔啱嘅信息就唔講喇！」同時亦多謝一眾網民的關心。
胡諾言參加卡拉OK大賽奪冠，曾簽約華納唱片成為歌手，推出過個人專輯《一個諾言》及《愛玩火》，可惜成績未如理想。2000年他加入TVB，主要做節目主持和參與旅遊特輯，後來向監製梁材遠自薦，拍攝其第一部電視劇《大囍之家》開展其演員路。而胡諾言亦於TVB結識到他的終身伴侶，他與陳琪相識十多年，直至2003年拍攝劇集《九五至尊》才開始交往，拍拖7年後結婚，二人育有兩女一子。而其妻則於2017年已離巢TVB，現轉型做KOL。
【其他文章】：
港姐冠軍70歲張瑪莉新年拜前夫 嫁李小龍胞兄後息影離婚後變公司董事
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
