KOL驚爆知名男歌手搞人女友做姦夫當場斷正 遭「安心出行」出賣揭派綠帽
發佈時間：18:30 2022-12-13
由J2ers 黃紫恩（Jojo）、吳兆麟（Alan）、胡敏芝（Karen）連同兩位客席嘉賓麥惠琪（Susuca）、文頌男（Koba）主持的《不正常愛情研究所》在後晚（15日）研究題目係「捉姦攻略」，Koba會揭露一位現役知名歌手做姦夫的故事，最有趣的地方，苦主綠帽男，不以為恥，反以女友同明星出軌為榮。
【點擊睇精采內容】：
事緣Koba有位男性友人，發覺女友經常聲稱到酒吧消遣︰「朋友覺得奇怪，check女友手機嘅安心App，搵到去酒店記錄。等到女朋友再話去酒吧，朋友就去嗰間酒店樓下等。」最後見到女友親密撓住一名男士出來，當場斷正，不過Koba話男友人覺得好威威︰「因為個姦夫係好出名嘅男歌手。」現場即時起哄，紛紛要求Koba提供貼士，之後Jojo同Karen秒速估到，同時講出該歌手的特點，身份呼之欲出。到底她們得到甚麼貼士咁緊要？想知「偷食男歌手」是誰，後晚食住花生睇《不正常愛情研究所》。
其後到Jojo爆自身經歷，前度出軌最後她憑直覺加上蛛絲馬跡，在社交媒體踢爆事件，她還分享了另一男友人的故事︰「個男仔被女朋友笠咗30頂綠帽，都係唔肯分手。仲要跪喺地下同女朋友講『我知你笠咗我好多頂綠帽，但我求下你唔好走，唔好同我分手』。」Sususca深信同類事件，不會發生在自己身上「冇人會為第二個女人而放棄我囉」！另一方面，「有故事的人」找來Jojo舊同事、曾任職專業偵探社的Gin，她會分享捉姦經歷、有錢人會如何偷食，又會教大家如何從細微地方發掘蛛絲馬跡，以及當私家偵探要具備甚麼條件！
【其他閱讀】：
無綫昔日「御用管家」梅蘭逾80歲精靈撐薛家燕 三代同堂定居美國keep住靚
72歲李司棋絕密童照出土 自小識擺騷長腳甫士 網民讚天生有文青氣質
劉嘉玲與凍齡母親新合照似姊妹 勁錫屋企人 曾傳由姪兒繼承8億身家
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
