黃翊喉嚨生水囊擔心影響唱歌醫生勸多做運動放鬆心情

更新時間：14:26 2021-11-08 HKT
發佈時間：15:30 2021-11-08 HKT

黃翊接受許文軒訪問。

歌手黃翊日前作客TVB娛樂新聞台節目《StarTalk》，接受主播許文軒（Edmond）專訪，大談即將舉行演唱會感受。黃翊指疫情期間每星期舉行網上音樂會，他說：「對上嗰年幾，每個星期都好似練唱歌咁，每次請嘉賓上嚟，就好似武俠片吸星大法咁，我學習佢哋嘅技巧，睇住佢哋唱歌，睇住佢哋點樣運用自己把聲，真係學到唔少嘢！」

最近黃翊因喉嚨不適，曾入院治療，他說：「身體響了警號，之前一直喉嚨唔舒服，好乾，唱歌唱咗兩三首就好攰，把聲Keep住差，一路都唔好，維持咗三個月，去睇醫生照咗喉嚨裏面有個水囊，初初好驚，可大可小，最後好彩係良性，醫生話我有無形壓力導致。依家要放鬆自己好好休息！做多啲運動。（叫埋兒子一齊做運動？）見到佢成日掛住打機，叫埋佢跑步，初初佢都唔願意，慢慢習慣咗，佢反而叫返我轉頭，佢而家係排球隊成員，所以佢一得閒就叫埋我去幫佢練波。我覺得係好事，當係親子樂，過程中大家溝通，問吓佢平時點，返學開唔開心，我哋兩父子嘅感情增進不少。」