祖馬龍心水│「飛黃」贏馬有數得計

更新時間：17:15 2025-05-06 HKT
發佈時間：17:15 2025-05-06 HKT

祖馬龍覺得刨馬嘅成本效益難以量化，有時死刨爛刨可以一條Q都唔中，有時輕輕鬆鬆卻收穫甚豐。祖馬龍曾經迷上鑽研分段時間，喺每一段時間裏邊加減乘除研究一番，但對投注幫助不大。又有一日偶然經過報攤，見到一份老牌馬經大字標題「某練馬師烽火台急急腳走落隧道接馬，狀甚緊張，顯露搏殺手影」。祖馬龍半信半疑落注，最後一箸夾中，雖非科學，但將結果倒推又察覺不失為一條蹊徑。所謂條條大路通羅馬，有時係糊裏糊塗到咗羅馬，但更多時係行嚟行去都未到羅馬！

呢個賽日，祖馬龍鍾意第四場「飛黃」，近幾場越跑越近，三歲馬進度理想。今仗排七檔講究與對手互動搵遮擋，以往最佳跑法靠衝一段，呢鋪見到羅馬喇！

第二場 6 紅海風帆 7 謙謙君子 10 連連勝利
第四場 9 飛黃 3 你知我得 4 首駿

↓立即下載星島頭條App↓